Viral News: कधीतरी चुकून किचनमध्ये गेल्यावर जेवण बनवताना सर्वांचीच फजीती होते. मुलगी असो अथवा मुलगा घरापासून दूर रहायला गेल्यावर प्रत्येकालाच जेवण बनवावे लागते. अशात सोशल मीडियावर जेवण बनवतानाचा एक व्हिडिओ जोरदार व्हायरल होत आहे. यामध्ये काही मुलांनी जेवण बनवताना अशी काही फोडणी दिली की, संपूर्ण टोपाला आग लागलेली दिसत आहे. (Latest Marathi News)

सोशल मीडियावर त्यांचा हा व्हिडिओ जोरदार व्हायर होत आहे. व्हिडिओमध्ये दोन मुलं जेवण बनवताना दिसत आहेत. शेजारी एका मोठ्या टोपात डाळ ठेवली आहे. तर एक तरुण गॅसवर फोडणी देण्यासाठी तेल तापवत आहे. फोडणी तयार झाल्यावर त्याचा मित्र टोपाचे झाकण उघडतो आणि दुसरा लगेच तयार केलेली फोडणी त्यात टाकतो.

आता फोडणी दिली की मस्त जेवायला बसू असा विचार करणाऱ्या या मुलांची चांगलीच फजीती होते. फोडणी देत असताना तेल इतके तापते की, टोपात टाकल्यावर संपूर्ण टोपभर आग पसरते. त्यामुळे दोघेही घाबरून मागे पळतात. ही आग इतकी मोठी असते की एका क्षणासाठी स्फोट झाला आहे असे वाटते. सोशल मीडियावर फ्लर्टींग बॉय या इंस्टाग्राम (Instagram) अकाऊंटवर हा व्हिडिओ पोस्ट करण्यात आला आहे.

व्हिडिओला ( Video) आता पर्यंत १.४ मिलियन व्ह्यूव्ज मिळाले आहेत. तसेच ८५ हजार लाईक्सचा वर्षाव यावर करण्यात आला आहे. एका युजरने यावर कमेंटकरत लिहिले आहे की, जर फोडणी देता येत नसेल तर या भावाकडून शिकून घ्या. तसेच अनेकांनी यावर हसण्याचे इमोजी पाठवले आहेत.