- संजय राठोड

यवतमाळ : यवतमाळ (yavatmal) जिल्ह्यातील दोन एटीएम मशीनवर (atm machine) चाेरट्यांनी धाड टाकत लाखाे रुपये लंपास केले आहेत. एका टोळीने गॅस कटरच्या सहाय्याने एटीएम मशीन फोडून पैसे पळविले आहेत तर दुस-या ठिकाणी देखील असाच प्रकार करुन पैसे चाेरले आहेत. (yavatmal latest marathi news)

महागाव तालुक्यातील हिवरा संगम (hivra sangam) या बाजार पेठेत एक घटना तर दुसरी घटना आर्णी (aarni) शहरातील मुख्य मार्गावर असलेल्या शिवनेरी चौकात घडली आहे. आर्णीत बँक ऑफ इंडियाचे (BAI) एटीएम गॅस कटरने फोडण्यात आले आहे. इथून अंदाजे २० लाख ४३ हजार ५०० रुपयांची चाेरी झाली आहे. या घटनेची माहिती मिळताच प्रभारी उपविभागीय पोलिस (police) अधिकारी अनिल आडे, आर्णी ठाणेदार पीतांबर जाधव यांनी अधिकारी, कर्मचाऱ्यांसह घटनास्थळी धाव घेतली.

त्यानंतर श्वान पथक, फिंगर प्रिंट तज्ञ यांना पाचारण करण्यात आले. ते देखील तातडीनं घटनास्थळी दाखल झाले. दरम्यान शिवनेरी चौकात स्टेट बँक, बॅक ऑफ इंडिया, जिल्हा मध्यवर्ती बॅक, सेंट्रल बँकेचे एटीएम आणी एक पतसंस्था आहे. परंतू एकाही बॅंकेकडून सुरक्षात्मक उपाय योजनेवर भर दिलेला पहायला मिळत नाही. या एटीएममध्ये सेक्युरीटी गार्ड तर सोडाच येथील सीसीटीव्ही कॅमेरे सुद्धा बंद अवस्थेत आहे. एकाही बँकेने बाहेर सीसीटीव्ही लावलेले नाही.

Edited By : Siddharth Latkar