राष्ट्रपती पदकासाठी तयार केली बनावट कागपदत्र; वानवडीत हवालदारासह तिघांवर गुन्हा दाखल

- गाेपाल माेटघरे

पुणे : राष्ट्रपती पदक मिळविण्यासाठी बनावट कागदपत्रे तयार करणाऱ्या पुणे शहर पोलिस (pune city police) दलातील पोलिस (police) हवालदारासह तिघा लिपीकांवर वानवडी पोलिसात गुन्हा दाखल करण्यात आला आहे. या प्रकरणामुळे पुणे (pune) शहर पाेलिसांत एकच खळबळ उडाली आहे. (pune latest marathi news)

याबाबत वानवडी पाेलिसांनी दिलेली माहिती अशी : राष्ट्रपती पदकासाठी (Presidents Medal) बनावट कागदपत्रे तयार केल्याने गणेश अशोक जगताप या पोलिस हवालदारावर गुन्हा नाेंद करण्यात आला आहे. वरिष्ठ अधिका-यांनी जगताप याची वेतनवाढ राेखली हाेती. त्याबाबतची शिक्षा दिली असताना देखील त्याने लिपीकांशी संगनमत करुन राष्ट्रपती पदक मिळविण्यासाठी खाेटा खटाटाेप केला.

जगताप याने सर्व्हिस शीटची पाने फाडून तेथे बनावट पाने जोडली आणि शासनाची फसवणुक केली. त्याच्यासह सह लिपीक नितेश आरविंद आयनूर, रविंद्र धोंडीबा बांदल आणि एका ठाणे अंमलदारावर गुन्हा दाखल केल्याची माहिती वानवडी पोलिसांनी दिली.

Edited By : Siddharth Latkar