गद्दारांचे नशीब फिरवल्याशिवाय राहणार नाही, कितीही गद्दारी करा, तुमच्या उरावर भगवा फडकवल्याशिवाय राहणार नाही असं म्हणत उद्धव ठाकरेंनी एकनाथ शिदेंवर टीकेची तोप डागली. शिवसेना ठाकरे गटप्रमुख उद्धव ठाकरे सध्या विदर्भ दौऱ्यावर आहेत. या दौऱ्याचा आज दुसरा दिवस असून ते आज धाराशिवमध्ये सभा घेत आहेत.

या सभेत बोलताना उद्धव ठाकरेंनी एकनाथ शिंदे आणि ओमराजे निंबाळकर यांच्यावर हल्लाबोल केला. गद्दारांचे नशीब फिरेल आणि त्यांच्या उरावर भगवा फडकावू असा निर्धार करत उद्धव ठाकरेंनी एकनाथ शिंदेवर तोफ डागली. ठाकरे गटातील सहा खासदार फुटल्यानंतर ठाकरेंनी नव्याने मोर्चेबांधणीस सुरुवात केली आहे. सध्या ते बंडखोर खासदारांच्या मतदारसंघात जाहीर सभा घेत आहेत. याच पार्श्वभूमीवर शिवसेना पक्षप्रमुख उध्दव ठाकरे आज धाराशिव जिल्हा दौऱ्यावर आले. यावेळी त्यांनी तीन खासदार आणि आमदार कैलास पाटील, प्रविण स्वामी यांचे निष्ठेचं कौतुक केलं.

भाजपनं जेव्हा गद्दारी केल्याच कळलं त्यावेळी खासदार असलेले अरविंद सावंत यांनी खासदारकीला लाथ मारत सत्ता सोडली होती. २०१९ मध्ये ज्यावेळी एकनाथ शिंदे यांनी गद्दारी करत फोडाफोडीचं राजकारणात गुंतवलं होतं. त्यावेळी कैलास पाटील यांनीही शिंदे गुजरातला घेऊ जात होते, त्यावेळी तेही सत्ता सोडून माघारी परत आल्याचं ठाकरे म्हणाले.

दरम्यान शिंदे गटात गेलेले खासदार यांनी विकास निधी मिळत नसल्यानं मतदारसंघातील कामे होत नसल्याची बोंब ठोकत सत्तेच्या गादीवर जाऊन बसले. त्यावरून ठाकरेंनी जोरदार टीका केली. नुसता विकासनिधी निधी करून उपयोग नाही.

निष्ठावंत कार्यकर्ते मिळण्यास भाग्य लागतं असं उद्धव ठाकरे म्हणाले. ओमराजे यांना फुकटचा पैसा हवा होता, त्यामुळे ते तिकडे गेले आहेत. परंतु माझ्यासमोर कष्टाने पैसा कमावणार शेतकरी आणि अस्सल शिवसैनिक बसलाय असंही ठाकरे म्हणाले.