Summary -

• येवला येथे दोन वेगवेगळ्या अपघातांमध्ये चिमुकलीसह एकाचा मृत्यू झाला.

• अहिल्यानगर–मनमाड महामार्गावर भरधाव वाहनाने एका तरुणाला चिरडलं.

• फत्तेबुरुज नाका भागात पेट्रोल टँकरने जयश्री शेळके आणि तिच्या आजोबांना दुचाकीला धडक दिली.

• पोलिसांनी दोन्ही घटनांचा तपास सुरू केला आहे.

येवल्यामध्ये भीषण अपघातामध्ये चिमुकलीसह एकाचा मृत्यू झाल्याची घटना घडली. दोन वेगवेगळ्या घटनांमध्ये या दोघांचा मृत्यू झाला तर एक जण गंभीर जखमी झाला आहे. भरधाव वाहनाने दोघांना चिरडलं. या घटनेमुळे येवल्यात हळहळ व्यक्त केली जात आहे. सध्या येवला पोलिस या प्रकरणाचा तपास करत आहेत.

मिळालेल्या माहितीनुसार, अहिल्यानगर- मनमाड महामार्ग हा मृत्यूचा सापळा होतोय की काय? असा प्रश्न उपस्थित केला जात आहे. परवा दुचाकीला धडक दिल्यामुळे एका तरुणाचा जागीच मृत्यू झाला होता. तर आज सकाळी दोन वेगवेगळे अपघात होऊन ३ जणांचा मृत्यू झाला. रस्त्याच्या कडेने चालत जाणाऱ्या एका तरुणाला वाहनाने धडक दिली. या अपघातामध्ये गणेश घीरे (वय ३१ वर्षे) या तरुणाचा जागीच मृत्यू झाला.

त्यानंतर काही तासांतच फत्तेबुरुज नाका भागात दुसरा अपघात झाला. यात दुचाकीवरून जात असलेल्या देविदास शेळके (वय ५५ वर्षे) आणि त्यांची नात जयश्री शेळके (वय ६ वर्षे) यांना एका पेट्रोलच्या टँकरनं धडक दिली. या अपघातामध्ये जयश्री शेळके या चिमुकलीचा जागीच मृत्यू झाला. तर देविदास शेळके हे गंभीर जखमी झाले आहेत. त्यांच्यावर खासगी रुग्णालयात उपचार सुरू आहेत. या दोन्ही अपघाताचा तपास पोलिस करत आहेत.