जालना: महावितरणच्या भोंगळ कारभारामुळे एका १२ वर्षांच्या निष्पाप मुलाचा नाहक बळी गेल्याची घटना जालना (Jalna) शहरातील नूतन वसाहत परीसरातील राहुल नगरमध्ये घडली आहे. सूर्यकांत उर्फ मोनू सर्जेराव म्हस्के अस मृत्यू झालेल्या मुलाचं नाव आहे. मोनू हा काल सायंकाळी राहुल नगर परिसरातील गल्लीत खेळत असताना त्याचा अचानकपणे महावितरणाच्या विद्यूत पोलला (Electric Pole) हात लागल्याने विद्यूत पोलमध्ये विजेचा प्रवाह असल्याने मोनूला विजेचा शॉक (Electric Shock) लागल्याने तो पोलला चिकटला. (Tragic death of 12 year old boy due to electric pole shock in Jalna)

हे देखील पाहा -

नागरिकांनी त्याला उपचारासाठी शासकीय रुग्णालय दाखल केले असता शॉक लागून त्यांचा दुर्दवी मृत्यू झाला असल्याचे डॉक्टरांनी सांगितले. त्यानंतर परीसरात एकच शोककळा पसरली. दरम्यान राहुल नगर परिसरात विद्यूत पोलमध्ये गेल्या दोन दिवसांपासून विद्यूत प्रवाह उतरत असल्याने परिसरातील नागरिकांनी याबाबत महावितरणला कळवले होते. मात्र महावितरणच्या कर्मचाऱ्यांनी याकडे दुर्लक्ष केल्याने महावितरणच्या हलगर्जीपणामुळे मोनूचा दुर्देवी मृत्यू झाल्याचा आरोप नागरिकांनी केला आहे.

Edited By - Akshay Baisane