श्री संत ज्ञानेश्वर महाराज पालखी सोहळा येत्या 6 जूलैला सातारा जिल्ह्यात प्रवेश करणार आहे. पालखी साेहळा निमित्त सातारा पाेलिस दलाने 6 ते 11 जूलैपर्यंत पालखी मार्गावरील वाहतुकीत माेठा बदल केला. त्याबाबतची माहिती नुकतीच सातारा पाेलिस अधीक्षक समीर शेख यांनी दिली.

सातारा जिल्ह्यातून पालखी मार्गक्रमण करणार असल्याने 5 जूलै सकाळी 6 पासून 9 जूलै रात्री 12 वाजेपर्यंत फलटण येथून पुणे, निरा, लोणंदकडे जाणारी वाहतूक बारामती किंवा वाठार स्टेशन येथून पूणेकडे शिरगांव घाटातून वळविणेत येत आहे. 5 जूलै सकाळी 6 पासून ते 8 जूलै रात्री 12 वाजेपर्यत आदर्की फाटा येथून लोणंदकडे येणारी वाहतूक पालखी सोहळयातील येणारे वाहनाखेरीज इतर वाहनांना बंद राहील.

5 जूलै सकाळी 9 पासून 10 जूलै दुपारी 1 वाजेपर्यंत लोणंद येथून फलटणकडे जाणारी वाहतूक आदर्की मार्गे फलटणकडे वळविण्यात आली आहे. 5 जूलै मध्यरात्रीपासून 9 जूलै मध्यरात्रीपर्यंत फलटण ते लोणंद या मार्गावरील वाहतूक पुर्णपणे बंद राहील. 9 जूलै रात्रीच्या 12 वाजल्यापासून ते 11 जूलैच्या दुपारी चार वाजेपर्यंत फलटण ते नातेपुते जाणारी वाहतूक पुर्णपणे बंद राहील. अकलूज येथून बारामती मार्गे पुण्याकडे वळविण्यात येत आहे.

9 जूलै रात्री 12 वाजल्यापासून 11 जूलै दुपारी 4 वाजेपर्यंत नातेपुतेकडून फलटण मार्गे साताराकडे जाणारी वाहतूक शिंगणापूर तिकाटणे मार्गे दहिवडी-सातारा अशी वळविण्यात येत आहे. नातेपुतेकडून पुण्याकडे जाणारी वाहतूक नातेपुते-दहीगाव-जांब-बारामती मार्गे पुण्याकडे वळविण्यात येत आहे. याबराेबरच नातेपुते-वाई- वाठारकडे जाणारी वाहतूक शिंगणापूर तिकाटणे-शिंगणापूर-जावली-कोळकी-झिरपवाडी-विचुर्णी-ढवळपाटी- वाठार फाटा मार्गे वळविण्यात येत आहे.

दहा जूलैलाा पालखी सोहळा हा फलटण येथून पुढील बरड मुक्कामी सकाळी ६.०० वा. मार्गस्थ होणार आहे. सदर वेळी वाहतुकीची कोंडी निर्माण होवूनये म्हणून पालखीतील वाहने फलटण ते पंढरपुर रोडने बरड कडे जाण्याऐवजी फलटण-दहिवडी चौक-कोळकी शिगणापूर तिकाटणे-वडले-पिंप्रद-बरड अशी वळविण्यात येत आहे.

Edited By : Siddharth Latkar