- नवनीत तापडिया

Chhatrapati Sambhaji Nagar News : छत्रपती संभाजीनगर शहरात आज (गुरुवार) दिवसाढवळ्या व्यापा-याच्या डोळ्यात मिरची टाकून त्याला लुटण्याचा प्रकार घडला. यामुळे शहरातील कायदा व सुव्यवस्थेचा प्रश्न पुन्हा चर्चेत आला आहे. (Maharashtra News)

पाेलिसांनी दिलेल्या माहितीनूसार ही घटना बजाजनगर येथे घडली. एका व्यक्तीने व्यापा-याला बॅगेत पैसे आहेत, तुम्ही मला ट्रान्सफर करा मी तुम्हांला देईन असे म्हटले. मी पैसे ट्रान्सफर करताच संबंधिताने माझ्या डाेळ्यात मिरची पावडर फेकून मला लुटलं अशी तक्रार व्यापा-याने दिली आहे.

यावेळी व्यापा-याने मदतीसाठी हाक दिली. या घटनेनंतर काही नागरिकांनी संशयितास पकडले. ताेपर्यंत कूणी तरी पाेलिसांना बाेलावले हाेते. संबंधित संशयितास नागरिकांनी पोलिसांच्या ताब्यात दिले.

संभाजीनगरचा बिहार हाेताेय का?

संभाजीनगरात पोलिसांचा धाक संपला आहे की काय असा प्रश्न पुन्हा एका चर्चेत आला आहे. आजच्या घटनेमुळे नागरिक आणि व्यापाऱ्यांमध्ये भीतीचे वातावरण निर्माण झाले आहे.

Edited By : Siddharth Latkar