बीड: पासपोर्ट फोटो काढण्यासाठी फोटो स्टुडिओमध्ये गेलेल्या, एका अल्पवयीन मुलीवर फोटो स्टुडिओमध्येचं अत्याचार करण्यात आला असून जर हे कोणाला सांगितलं तर "तुझ्या भावाला खल्लास करून टाकीन" अशी धमकी देण्यात आली. ही धक्कादायक आणि संतापजनक घटना, बीडच्या (Beed) धारूर शहरांमध्ये घडली असून या घटनेने जिल्ह्यात एकच खळबळ उडाली आहे.

पिडितेच्या फिर्यादीवरून ती धारूर शहरातील, नरसिंह फोटो स्टुडिओ येथे पासपोर्ट फोटो काढण्यासाठी गेली होती. यादरम्यान आरोपी फोटो चालक मधूर बालासाहेब फरतडे याने, पासपोर्ट फोटो काढून त्या दिवशी न देता पीडित अल्पवयीन मुलीला दुसर्‍यादिवशी देतो म्हणाला. यादरम्यान दुसऱ्या दिवशी पीडिता ही, नरसिंह फोटो स्टुडिओ येथे आली असता, आरोपी फरताडे याने तिच्यावर अत्याचार केला. सदरील प्रकार कोणास सांगितल्यास "मी तुझ्या भावाला खल्लास करेल" अशी धमकी दिली.

तर दुसरा आरोपी सहदेव चाळक याने, काही दिवसांनी पीडितेवर फोटो स्टुडिओमध्येचं अत्याचार केला.दरम्यान याप्रकरणी धारूर पोलीस ठाण्यात पीडित अल्पवयीन मुलीच्या तक्रारीवरून, आरोपी मधूर बालासाहेब फरतडे व सहदेव चाळक दोन्ही रा. धारुर यांच्यावर कलम 376, 504 भादवि व कलम 4,5 पोस्को ॲक्ट अन्वये गुन्हा दाखल करण्यात आलाय. दरम्यान घटनेने जिल्ह्यात खळबळ उडालीय.

Edited By: Pravin Dhamale