सध्या उन्हाचा तडाखा वाढल्यानं गरमीपासून सुटका करण्यासाठी तुम्ही जर कूलर वापरत असाल तर सावधान... आम्ही असं का म्हणतोय....यासाठी तुम्ही ही बातमी एकदा पाहा... ज्या कुलरचा वापर तुम्ही उकाड्यापासून सुटका करण्यासाठी करताय... त्याच कुलरमुळे एका चिमुकल्याचा बळी गेलाय... होय... यवतमाळच्या घाटंजी तालुक्यातील शिरोलीत कुलरमध्ये आलेल्या विजेचा धक्का लागून अवघ्या 14 महिन्यांच्या स्वराजचा जीव गेलाय...

त्याचं झालं असं की सकाळच्या वेळी स्वराजची आई अंगणात सडा-सारवण करण्यात व्यस्त होती. आणि याचदरम्यान अंगणात खेळत असलेल्या स्वराजने कुतूहलापोटी कुलरच्या पाण्याच्या टाकीत हात टाकला. त्यामुळे त्याला शॉक लागला. पालकांनी स्वराजला तातडीने उपचारासाठी रुग्णालयात दाखल केलं. मात्र, डॉक्टरांनी स्वराजला मृत घोषित केलं. आई आणि वडील

यापूर्वीही कूलरनं अनेकांचे बळी घेतले आहेत. त्या घटनांवर एक नजर टाकूयात...

गारवा देणारा कूलर उठला जीवावर

29 एप्रिल 2024

हिंगोलीत कूलर शॉक लागल्यानं 14 वर्षांच्या लेकराचा मृत्यू

6 मे 2024

अकोल्यात कूलरचा शॉक लागून 7 वर्षाच्या चिमुकलीचा मृत्यू

5 मे 2025

अकोल्यात कूलरचा शॉक लागून 18 वर्षीय तरुणाचा मृत्यू

15 जून 2025

अमरावतीत कूलरचा शॉक लागून एकाच कुटुंबातील तिघांचा मृत्यू

या घटनेमुळे कूलरबाबत लहानग्यांच्या आई-वडिलांमध्ये दहशत पसरलीय. कारण उन्हाळा असल्यामुळे ग्रामीण भागात बहुतांश घरांमध्ये कुलरचा मोठ्या प्रमाणावर वापर होतो. त्यामुळे कूलर वापरताना तुमच्या घरातील लहान मुलांकडे लक्ष द्या आणि त्यांची काळजी घ्या.