जालना - जिल्ह्यात वेगवेगळ्या ठिकाणी अंगावर वीज कोसळून एका महिलेसह दोन जणांचा दुर्दवी मृत्यू झाल्याची दुर्दैवी घटना घडली आहे. तर दोन जण गंभीर जखमी झाले आहेत. जखमींवर रुग्णालयात (Hospital) उपचार सुरु आहे. मृतांमध्ये एका महिलेसह एका 22 वर्षाच्या तरुणाचा व एका 48 वर्षीय व्यक्तीचा ही समोवेश आहे.

55 वर्षीय गंगाबाई जाधव असं मृत्यूमुखी पडलेल्या महिलेचं नाव असून त्या कोदा शिवारातील रहिवासी आहे. तर या महिलेसोबत असणारे दोन जण गंभीर जखमी झालेत. त्यांच्यावर रुग्णालयात उपचार सुरू आहे.

हे देखील पाहा -

तर मंठा तालुक्यातील पेवा गावात वीज कोसळून शेतात काम करणाऱ्या अनिल शिंदे या 22 वर्षाच्या तरुणाचा मृत्यू झाला आहे.तर तिसऱ्या घटनेत मंठा तालुक्यातील माळकीनी गावात ही वसंत जाधव या 48 वर्षीय व्यक्तीच्या अंगावर वीज कोसळून त्यांचा मृत्यू झाला आहे.

दरम्यान, जाफ्राबाद तालुक्यातील माहोरा गावात ही येथील रेणुका देवी मंदिरावर वीज कोसळून मंदिराचा घुमट कोसळला आहे. या मुळे मंदिराचे मोठ्या प्रमाणात नुकसान झाले आहे. मृग नक्षत्राच्या सुरवातीलाच जोरदार वादळी वाऱ्यासह विजेच्या कडकडाट हुन वीज कोसळून दुर्दैवी मृत्यु झाल्याने परिसरात हळहळ व्यक्त केल्या जात आहे.