लातूर - वाढत्या कोरोना रुग्णामुळे लातूर (Latur) जिल्ह्यातील औसा तालुक्यातील किल्लारी गावात तीन दिवसाचा लॉकडाऊन करण्याचा निर्णय किल्लारी ग्रामपंचायतने पोलीस ठाणे, महसूल विभाग, व्यापारी आसोसिएशन, ग्रामीण रुग्णालय किल्लारी यांच्या शिफारशीनुसार निर्णय घेऊन तहसीलदारांना २२ ते २६ पर्यंत लॉकडाऊन (Lockdown) करण्यात यावे म्हणून निवेदन देऊन परवानगी मागितली होती. परंतु आखेर तीन दिवसांचे लॉकडाऊन करण्याचा निर्णय घेण्यात आला आहे. किल्लारी येथे कोरोना (Corona) बाधित रुग्णांच्या संख्येत वाढ होत आहे.

हे देखील पहा -

त्यामुळे किल्लारी ग्रामपंचायत कार्यालयाने पोलीस ठाणे, महसूल विभाग, ग्रामीण रुग्णालय, व्यापारी आसोसिएशन यांच्या सहकार्याने किल्लारी बंद करण्याचा निर्णय घेण्यात आला आहे. यामुळे याला सर्वांचा पाठिंबा मिळाला. वैद्यकीय सूत्राकडून मिळालेल्या माहितीनुसार जानेवारी महिन्यात आतापर्यंत ८० रुग्णांना कोरोनाची लागण झाली आसून दररोज दहा ते पंधरा जण पॉझिटीव्ह येत आहेत.

यामुळे वैद्यकीय आधीक्षक पाटील, वैद्यकीय अधिकारी सचिन बालकुंदे, वैद्यकीय अधिकारी पांडुरंग दोडके यांनी मास्क वापर करा, गर्दीत जाऊ नका, हात साबनाने स्वच्छ धुवा, ताप सर्दी झाल्यास तात्कळ डॉक्टराशी संपर्क करून औषध उपचार करून घ्या, घाबरून जाऊ नका असे आवाहन नागरिकांना केले आहे. तसेच ग्रामपंचायातमध्ये सरपंचासह गमपंचायत सदस्य, कर्मचारीही कोरोना पॉझीटीव्ह निघाल्यामुळे व वाढत्या पॉझिटीव्ह रुग्णांमुळे भीती निर्माण होत आहे म्हणून तीन दिवस बंदचा निर्णय सर्व व्यापाऱ्यांनी घेतला आहे.

Edited By - Shivani Tichkule