बीड - जिल्ह्यात रात्री सात ते आठ या एका तासाच्या दरम्यान, विविध ठिकाणी 3 अपघात झाले आहेत. या तीन अपघातात (Accident) प्रत्येक ठिकाणी 1 असे तीन जण जागीच ठार झाले आहेत. अपघातात शिवसेनेच्या बीड (Beed) उप तालुका प्रमुखाचा समावेश आहे.

बीडहुन गावी लिंबागणेशकडे दुचाकी वरून जात असतांना, दुचाकीला अज्ञात वाहनाने धडक दिली. यामध्ये शिवसेनेचे (Shivsena) तालुका उपप्रमुख गणेश गोपाळराव मोरे वय 40 यांचा जागीच मृत्यू झाला. हा अपघात बीड - सोलापुर महामार्गावरील पाली जवळ रात्री साडेसातच्या दरम्यान झाला आहे.

हे देखील पहा -

तर दुसरा आणि तिसरा अपघात बीड - परळी महामार्गावरील भोपा गावालगत, दोन ट्रॅक्टरच्यामध्ये बुलेट दुचाकी येऊन, शेख शकील शेख दगडू वय 29 रा.भोपा हा तरुण चिरडून ठार झाला झाला आहे. तर सदरील अपघातामुळे जवळपास एक किलोमीटर अंतरापर्यंत वाहतुक कोंडी झाली होती. आणि याच वाहतूक कोंडीमुळं तिसरा अपघात झाला. ट्राफीकमध्ये उभ्या असलेल्या एका ट्रकवर दुचाकी धडकली. या झालेल्या अपघात गणेश राजेभाऊ मुंडे वय 27 रा. कोठरबन ता. वडवणी हा तरुण जागीच ठार झाला. हे दोन्ही अपघात रात्री पावणेआठ ते 8 च्या दरम्यान झाले आहेत.

दरम्यान हे तीनही अपघात केवळ एक तासाच्या कालावधीत झाले असून या अपघातात तरुण वयातील व्यक्तींना आपला जीव गमवावा लागल्याने, जिल्ह्यात हळहळ व्यक्त करण्यात येत आहे.याप्रकरणी बीड ग्रामीण पोलीस ठाण्यात आणि दिंद्रुड पोलीस ठाण्यात अपघाताची नोंद झाली आहे.