- रामनाथ ढाकणे

Chhatrapati Sambhajinagar News :

भारताची दक्षिण काशी म्हणून ओळखल्या जाणाऱ्या पैठणमध्ये अवघ्या दोन दिवसावर येऊन ठेपलेल्या संत एकनाथ महाराज यांच्या नाथषष्ठी (saint eknath maharaj nath shashti) सोहळ्यानिमित्त राज्यभरातून वारकऱ्यांच्या पायी दिंड्या पैठणकडे आता दाखल होताना दिसताहेत. टाळ मृदुंगाचा गजर करत आणि भानुदास एकनाथचा जयघोष करत वारकरी पैठणकडे येत आहेत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

नाथांचा गजर करत शेकडो किलोमीटरचे अंतर पायी कापत पालख्या पैठण शहराकडे जाण्यास सुरुवात झाली आहे. पाचोड- पैठण मार्गावर ठीक ठिकाणी वारकऱ्यांसाठी ग्रामस्थांकडून फराळ पाण्याची सोय केली जात आहे.

अनेक गावांत रात्री दिंड्या मुक्काम करत असल्याने विविध धार्मिक कार्यक्रम मुक्कामाच्या ठिकाणी आयाेजिले आहेत. सकाळी दिंड्या आपल्या मार्गाने निघत असल्याने ठीक ठिकाणी ग्रामस्थ देखील आंनदात वारकऱ्यांची सेवा करत आहे. (Maharashtra News)

दरम्यान 31 मार्च रोजी हा नाथ षष्ठी सोहळा पार पडणार असून पंढरपूर नंतर सर्वात मोठा सोहळा अशी या यात्रेची ओळख असून राज्याच्या कानाकोपऱ्यातून मोठ्या संख्येने भाविक भक्त पैठणमध्ये दाखल होत असतात.

Edited By : Siddharth Latkar