- संजय जाधव / सचिन बनसाेडे

Guru Purnima 2023 Celebrations : आज गुरुपौर्णिमा अर्थात गुरुला वंदन करण्याचा दिवस त्यानिमित्त शेगावत संत गजानन महाराज समाधीचे दर्शन घेण्यासाठी राज्यभरातून भाविकांनी मोठी गर्दी केली आहे. शेगाव बराेबरच शिर्डीत देखील भाविकांचा उत्साह पाहायला मिळत आहे. (Maharashtra News)

गुरुपौर्णिमा निमित्त शेगावत संत गजानन महाराज समाधीचे दर्शन घेण्यासाठी राज्यभरातील शेकडो दिंड्या दाखल झाले आहेत. गुरु पौर्णिमेनिमित्त आज शेगाव येथील संत गजानन महाराज मंदिरात विविध धार्मिक कार्यक्रमांचा आयोजन सुद्धा करण्यात आल आहे. आज सकाळपासूनच शेगावच्या मंदिर परिसरात भाविकांचा माेठा उत्साह पाहायला मिळत आहे.

गुरुपौर्णिमा उत्सवानिमित्त साई भक्तांनी शिर्डीत (shirdi) अलोट गर्दी केली आहे. दर्शन रांगा भाविकांच्या गर्दीने फुलून गेल्या आहेत. आज भाविकांना दर्शनासाठी साईमंदिर रात्रभर खुले राहणार आहे.

साई समाधी मंदिरासह साईबाबांच्या गुरुस्थान मंदिराचे दर्शन घेण्यासाठी साई भक्तांमध्ये उत्साह दिसून येतोय. याच ठिकाणी असणाऱ्या लिंबाच्या झाडाखाली साईबाबा नेहमी बसत. हे त्यांच्या गुरूंचे स्थान आल्याचे साई बाबांनी सांगितल्याचा उल्लेख साई चरित्रात आढळतो. त्यामुळे साई भक्तांसाठी गुरुस्थान मंदिराचे अनन्यसाधारण महत्व आहे अशी माहिती शिर्डी येथील साई संस्थानचे माजी विश्वस्त सचिन तांबे यांनी नमूद केले.

Edited By : Siddharth Latkar