- विनायक वंजारे

सिंधुदुर्ग : वैभववाडीत (vaibhavwadi) चोरट्यांनी धुमाकूळ घातला आहे. एका रात्रीत सात दुकानांसह (shop) दोन घरे (house) फोडली आहेत. यामुळे व्यापारी व नागरिकांमध्ये भीतीचे वातावरण पसरले आहे. (sindhudurg latest marathi news)

शनिवारी पहाटेच्या सुमारास वैभववाडी बाजारपेठेसह करूळ परिसरात चोरट्यांनी अक्षरशः धुमाकूळ घालत एकूण सात दुकानांसह दोन बंद घरे फोडली. यात रजेवर असलेल्या वैभववाडी तहसीलदारांच्या (vaibhavwadi tashildar) शासकीय बंगल्यास देखील चाेरट्यांनी लक्ष केले.

या घटनेत चोरट्यांनी केवळ एका दुकानातील रोकड तर एका घरातून सुमारे सव्वा दोन लाखाचे दागिने लंपास केले. संशयीत चोरटे सीसीटीव्हीत कैद झाले असून या घटनेत टोळीचा सहभाग उघड झाला आहे. पोलीस (police) ठाण्यापासून हाकेच्या अंतरावर बाजारपेठेत घडलेल्या चोरीच्या घटनांमुळे खळबळ उडाली आहे

Edited By : Siddharth Latkar