बुलढाणा : आपल्या घरासमोर होत असलेल्या रेती वाहतुकीमुळे घरामध्ये धुळ येत होती आणि ती धुळ येतेय म्हणून एका युवकाने रेती वाहतुकीला विरोध केल्याने रेती माफियांनी त्या युवकाच्या घरात घुसूनच त्याला विष पाजल्य़ाची धक्कादायक घटना जळगाव जामोद तालुक्यातील गोळेगाव येथील आहे.

सुरज गजानन पांडे असं पीडीत युवकाच नाव असून या युवकावर खामगाव सामान्य रुग्णालयात अतिदक्षता (ICU) विभागात उपचार सुरु आहेत. 'घरात धुळ जाते म्हणून माझ्या घरासमोरून रेती वाहतूक करू नका', असं सुरजने रेती वाहतुक करणाऱ्यांना सांगितलं होतं याचाच राग आल्याने गोळेगाव येथील तिघांनी सुरजच्या घरातमध्ये घुसून त्याला विष पाजलं

दरम्यान या प्रकारबाबत युवकाच्या भावाच्या तक्रारीवरून जळगाव जामोद पोलीसात गुन्हा दाखल करण्यात आला असून रेती माफिया बाळकृष्ण नाईक, पुंडलिक गोळे ,रतन नाईक यांच्या विरुद्ध हत्येचा प्रयत्न करणे IPC 307,35या कलमानुसार गुन्हा दाखल केला आहे.

Edited By - Jagdish Patil