अमर घटारे

Amravati Accident News : चालत्या बसचे टायर निखळल्याची थरारक घटना अमरावतीत घडली आहे. बसचे टायर निखळल्याचे चालकाच्या लक्षात येताच त्याने प्रसंगावधान राखल्यामुळे गाडीतील १५ प्रवासी थोडक्यात बचावले आहेत. नागझरी फाट्याजवळचा ही घटना घडली आहे. ही घटना रविवारी साडेसहा वाजता घडली. 

अमरावतीत (Amravati) चालत्या एसटी बसचे चाक अचानक निखळल्याची धक्कदायक घटना घडली आहे. मोर्शी वरून वरूडकडे जाणाऱ्या एसटीचा (ST) थरारक अपघात झाला आहे. या बसमध्ये प्रवास करीत असलेले १५ प्रवासी थोडक्यात बचावले आहेत.

चालकाने प्रसंगावधान दाखवून वेळीच बस थांबविल्यामुळे मोठा अनर्थ टळला. मागील चाकाचे एक्सल तुटल्याने अपघात झाल्याची माहिती आहे. मात्र चालकाच्या सतर्कतेने कोणतीही जीवितहानी झाली नाही. या घटनेचा व्हिडिओ सध्या व्हायरल होत आहे.