अकोल्याचा ग्रामीण भाग होतोय कोरोनामुक्त; ७४७ गावातला कोरोना पळाला Saam tv
महाराष्ट्र

अकोल्याचा ग्रामीण भाग होतोय कोरोनामुक्त; ७४७ गावातला कोरोना पळाला

रुग्ण संख्या दिवसेंदिवस कमी होत असतांना जिल्ह्यातील ८४४ पैकी ७४७ गावे कोरोनामुक्त झाली आहेत.

ब्युरो रिपोर्ट, साम टीव्ही, मुंबई

अकोला - कोरोना Corona महामारीच्या प्रकोपाने भेडसावलेला अकोला Akola जिल्हा आता कोरोनामुक्तीकडे पाऊल टाकत आहे. रुग्ण संख्या दिवसेंदिवस कमी होत असतांना जिल्ह्यातील ८४४ पैकी ७४७ गावे कोरोनामुक्त झाली आहेत. ‘गाव करी ते राव न करी’, या म्हणीप्रमाणे गावकऱ्यांनी एकजुटीने कोरोना विरुद्ध मुकाबला केला आहे. The rural part of Akola is becoming corona free

त्याचीच फलनिष्पत्ती म्हणजे आज ग्रामीण भागात कोरोनामुक्तीचा मोकळा श्वास घेतला जात आहे. याबाबत आरोग्य विभागातून प्राप्त माहितीनुसार, जिल्ह्यात ५३५ ग्रामपंचायतीतील ८४४ गावांपैकी ७४७ गावे कोरोना विषाणूने बाधीत होते. तर ५१ गावामध्ये कोरोना विषाणूचा प्रादुर्भाव दिसून आला नाही.

हे देखील पहा -

कोरोनाची दुसरी लाट कमी होत असून अकोल्यात सद्यास्थितीत ७४७ गावे कोरोनामुक्त झाली आहेत. या गावांमध्ये एकही कोरोनाबाधीत रुग्ण नसून सर्व रुग्ण बरे होऊन गाव कोरोना मुक्त झाले आहे. सद्यस्थितीत ४६ गावांमध्ये कोरोना विषाणूचा प्रादुर्भाव असून या गावांमध्ये ११२ कोरोना बाधीत रुग्ण आहेत. त्यांच्यावर उपचार सुरु आहेत. जिल्ह्यात ३१ प्राथमिक आरोग्य केंद्र, १७८ उपप्राथमिक आरोग्य केंद्र, पाच ग्रामीण रुग्णालय व मुर्तिजापूर येथे उपजिल्हा रुग्णालय आहे. या ठिकाणी कोरोना बाधीत रुग्णांवर शासनाच्या मार्गदर्शक सुचनांनुसार उपचार केला जात आहे. The rural part of Akola is becoming corona free

कोरोना विषाणूचा प्रादुर्भाव रोखण्यासाठी कोरोना प्रतिबंधात्मक नियमाचे पालन करणे आवश्यक आहे. सोबतच प्रशासनामार्फत कोविड प्रतिबंधक लसीकरण मोहीम प्रभावीपणे राबविण्यात येत आहे. जिल्ह्यात ४७ लसीकरण केंद्रावर कोरोना प्रतिबंधात्मक लसीचे साठवण व वितरण स्थानिक स्तरावर केले जातात.

आजपर्यंत जिल्ह्यामध्ये ३ लक्ष ८८ हजार ३६० व्यक्तींचे लसीकरण करण्यात आले आहे. त्यापैकी ३ लक्ष ०५ हजार २७६ व्यक्तींना लसीकरणाचा पहिला डोस दिला गेला. तर ८३ हजार ८४ व्यक्तींना लसीकरणाचा दुसरा डोस देण्यात आला. ४५ वर्षावरील नागरिकांना द्यावयाचा लसीकरणाचा पहिला डोस २ लक्ष २० हजार ९०६ व्यक्तींना देण्यात आला आहे तर ६२ हजार ३९८ व्यक्तींना दुसरा डोस देण्यात आला. तसेच १८ ते ४४ वयोगटातील ५९ हजार ५४३ नागरिकांना लसीकरणाचा पहिला डोस तर ६ हजार ५३७ व्यक्तींना दुसरा डोस देण्यात आले आहे.

Edited By - Shivani Tichkule

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Ganpati Visarjan: गणेश विसर्जनाला गालबोट, गणरायाला निरोप देताना चौघे नदीत बुडाले; दोघांचा मृत्यू

Maharashtra Politics: कोकणात ठाकरे गटाला भलं मोठं खिंडार; विश्वासू समर्थकांचा पक्षाला 'जय महाराष्ट्र'

Ganesh Visarjan 2025 : माझ्या बाप्पाला घेऊन जाऊ नका; निरोप देताना चिमुकलीला अश्रू अनावर, VIDEO

Maharashtra Politics : एवढा पैसा कुठून आला काका? मंत्री सरनाईकांच्या टेस्ला कार खरेदीवर मराठी अभिनेत्याचा सवाल

Anant Chaturdashi 2025 live updates : गणपती विसर्जन मिरवणुकीत मंत्री गिरीश महाजन यांनी कार्यकर्त्यांसोबत ठेका धरला

SCROLL FOR NEXT