-- संतोष शाळीग्राम

नवी दिल्ली : बेळगावसह प्रयागराज, व कोलकाता पाठोपाठ आता लवकरच चेन्नई येथील केंद्रीय भाषिक अल्पसंख्यांक आयोगाचे कार्यालय अपुऱ्या मनुष्यबळामुळे बंद करण्यात येणार आहे. पण, बेळगाव येथून चेन्नईला हलविलेले पश्चिम विभागीय कार्यालय महाराष्ट्र सरकारने जागा दिल्यास आपण मुंबई येथे सुरू करू, असे आश्वासन केंद्रीय भाषिक अल्पसंख्यांक आयोग खात्याचे मंत्री मुख्तार अब्बास नक्वी यांनी दिले आहे.

हे देखील पहा :

नवी दिल्ली येथे महाराष्ट्रातील शिवसेना खासदार आणि महाराष्ट्र एकीकरण समितीच्या युवकांच्या शिष्टमंडळाने केंद्रीय भाषिक अल्पसंख्यांक आयोगाचे कार्यालय पूर्ववत बेळगाव येथे सुरू करावे, अशी मागणी करण्यासाठी आज नक्वी यांची भेट घेतली. त्यावेळी त्यांनी आश्वासन दिले. खासदार विनायक राऊत, अरविंद सावंत, संजय राऊत यांच्या शिष्टमंडळाने नक्वी यांच्याशी चर्चा केली. महाराष्ट्र एकीकरण युवा आघाडीचे अध्यक्ष संतोष मंडलिक, धनंजय पाटील, पीयूष हावळ उपस्थित होते.

Edited By : Krushnarav Sathe