बीड - सतत घरासमोरून का जाता म्हणत एका महिलेच्या अंगावर सोडला चक्क कुत्रा सोडल्याचा संतापजनक प्रकार बीडमध्ये (Beed) समोर आला आहे. बीडच्या केज तालुक्यात असणाऱ्या उत्तरेश्वर पिंपरी या गावात हा प्रकार घडला आहे. जनाबाई शिंदे असे या महिलेचे नाव आहे. या गावांमध्ये सतत आपल्या घरासमोरून लोक जातात याचा राग मनात धरून, तुम्ही आमच्या घरासमोरून का जातात इथून जाऊ नका. असं म्हणत गावातील जनाबाई शिंदे या महिलेच्या अंगावर कुत्रा सोडला.

हे देखील पहा -

या कुत्र्याने सदरील महिलेच्या पायाला चावा घेतला आहे. यामुळे महिला गंभीर जखमी झाली आहे. घडल्या प्रकाराबाबत महिलेने केज पोलिसांकडे तक्रार केलीय. मात्र अद्याप पर्यंत पोलिसांनी कुठलीही कारवाई केली नाही. रस्त्याने जाताना उत्तरेश्वर पिंपरी गावातील 2 व्यक्तीचे काळेगावला जाणाऱ्या जनाबाई शिंदे यांच्या अंगावर त्याचा पाळीव कुत्रा सोडून, चावा घेण्याचा इशारा केला.

सदरील कुत्र्यांनी डाव्या पायाच्या मांडीला लचका तोडल्याने, महिला गंभीर जखमी झाली आहे. त्यानंतर कुत्र्याच्या मालकांनी घरी येऊन शिव्या दिल्याची तक्रार जनाबाई शिंदे यांनी केज पोलिसांकडे दिली आहे. दोषींवर कडक कारवाई करण्याची मागणी जनाबाई शिंदे यांनी केली आहे. दरम्यान या घटनेने परिसरात संताप व्यक्त केला जात आहे.

Edited By - Shivani Tichkule