जालना : जालना शहरातील (Jalna City) सिरसवाडी परिसरात राहणाऱ्या १६ वर्षीय अल्पवयीन मुलीला, चंदणझिरा परिसरात राहणाऱ्या सचिन दादाराव खरात या तरुणाने ती मुलगी १४ वर्षाची असताना तिच्याशी मैत्री केली होती. सचिन याने त्या मुलीला मोबाईल फोन गिफ्ट करत प्रेमाच्या जाळ्यात ओढलं होतं अशी माहिती समोर आली आहे.

सचिन याने चंदणझिरा परिसरातील मुलीला लहानपणापासून आपल्या प्रेमाच्या जाळ्यात ओढले होते. दरम्यान तिच्या जास्त जवळ जाण्यासाठी त्याने तिला मोबईलही गिफ्ट दिला आणि हळूहळू जवळीक वाढताच त्यांने तिचा गैरफायदा घ्यायला सुरुवात केली. सचिन याने पीडित मुलीला रेवगाव परिसरात असलेल्या वन विभागाच्या जंगलात व बदनापूर येथील हॉटेलमध्ये नेऊन तिच्यावर वारंवार बलात्कार केल्याचं उघड झालं आहे.

हे देखील पाहा -

धक्कादायक बाब म्हणजे त्याने वारंवार केलेल्या बलात्कारामुळे १६ वर्षीय मुलगी गरोदर राहीली आणि ती गरोदर (Pregnant) असल्याचं कळताच सचिन हा गायब झाला. दरम्यान, मुलीने आपल्यासोबत झालेल्या घटनेची माहिती आई-वडिलांना दिली. पीडित मुलीच्या आई वडिलांच्या तक्रारीवरून जालना तालुका पोलीस ठाण्यात (Jalna Taluka Police Station) आरोपी सचिन दादाराव खरात याच्याविरुद्ध बलात्कार, बाललैंगिक अत्याचार कायद्याच्या सरंक्षण कायदा ४, ६ ,१२ कलमान्वये गुन्हा दाखल करण्यात आला आहे.

पोलिसांनी घटनेचे गांभीर्य लक्षात घेऊन आरोपीला तात्काळ अटक करत, सदरील प्रकरणाचा अधिक करण्याकरता पिंक मोबाईल पथकाकडे तपास वर्ग केला असून सहाय्यक पोलिस निरीक्षक निशा बनसोड या प्रकरणाचा अधिकचा तपास करत आहेत.

Edited By - Jagdish patil