हा फोटो नीट पाहा.... महापालिकेच्या मैदानात बिनविरोध निवडीचा धुरळा उडत असतानाच कल्याण डोंबिवलीत ठाकरेसेनेला धक्का बसलाय...कारण बिनविरोध नंतर आता बिनशर्तचा धडाका सुरु झालाय... महापालिकेसाठी मतदानाला अवघे काही दिवस बाकी असतानाच ठाकरेसेनेचे उमेदवार रामचंद्र मानेंनी शिंदेसेनेचे उमेदवार अर्जून पाटलांना बिनशर्त पाठींबा देत थेट श्रीकांत शिंदेंच्या उपस्थितीत शिंदेसेनेत प्रवेश केलाय...

खरंतर कल्याण डोंबिवलीत 122 पैकी याआधीच 20 उमेदवार बिनविरोध निवडून आलेत.. त्यात भाजपचे 14 तर शिंदेसेनेच्या 6 उमेदवारांचा समावेश आहे... मात्र आता शिंदेसेनेच्या अर्जून पाटलांविरोधातील ठाकरेसेनेच्या एकमेव उमेदवारानंही बिनशर्त पाठींबा दिल्यानं शिंदेसेनेचा आणखी एक उमेदवाराची बिनविरोध निवड झाल्यानं बिनविरोधचा आकडा 21 वर गेलाय... त्यावरुन संजय राऊतांनी हा पैशांचा खेळ सुरु असल्याचा आरोप केलाय..

राज्यात बिनविरोध उमेदवारांची संख्या 70 पार गेलीय..हा बिनविरोधचा खेळ दबावातून झाल्याचा आरोप करत मनसेनं उच्च न्यायालयात धाव घेतलीय. तर निवडणूक आयोगानंही बिनविरोध निवडीची चौकशी सुरु करुन अहवाल मागवलाय... त्यामुळे या बिनविरोध निवडीवर टांगती तलवार आहे. असं असतानाही आता ठाकरेसेनेच्या उमेदवारानं शिंदेसेनेला बिनशर्त पाठींबा दिलाय..

त्यामुळे आता निवडणूक आयोग हा राजकारणाचा चिखल साफ करण्यासाठी काय उपाय योजणार याकडे राज्याचं लक्ष लागलंय.. मात्र कल्याण डोंबिवलीतील उमेदवारांच्या गळतीमुळे ठाकरेसेनेची चांगलीच कोंडी झालीय एवढं खरं...