Rajan Salavi Family Gets ACB Notice: गेल्या काही दिवसांपासून ठाकरे गटाचे नेते राजन साळवी (Rajan Salvi) यांची चौकशी सुरू आहे. आता त्यांच्या कुटूंबियांचीही चौकशी होणार असल्याची माहिती समोर आली आहे. राजन साळवी यांचा मोठा भाऊ, पत्नी तसेच वहिनीला एसीबीने नोटीस पाठवली आहे. तसेच त्यांना २० मार्चला चौकशीसाठीही बोलावण्यात आले आहे. (Latest Marathi New Update)
याबाबत अधिक माहिती अशी की, गेल्या दोन महिन्यांपासून राजन साळवी एसीबीच्या रडारवर आहेत. त्यांच्या घराचीही पाहणी एसीबीकडून करण्यात आली होती. तसेच त्यांना चौकशीसाठीही बोलावण्यात आलं होतं. आता त्यांच्या कुटूंबियांनाही चौकशीसाठी बोलावण्यात आल्याने त्यांच्या अडचणीत वाढ होण्याची चिन्हे निर्माण झाली आहेत.
याबद्दल बोलताना राजन साळवी यांनी हा दुर्देवी प्रकार असल्याचे म्हणले आहे. "आजच सकाळी माझी पत्नी, मोठा भाऊ आणि वहिनी यांना एसीबीची नोटीस आली आहे. 20 मार्चला त्यांना अलिबागच्या कार्यालयात चौकशीसाठी उपस्थित राहण्यास सांगितलं आहे. ही दुर्दैवी बाब आहे," अशी प्रतिक्रिया त्यांनी दिली आहे..
त्याचबरोबर पुढे बोलताना त्यांनी, "उद्धव ठाकरेंसोबत (Udhav Thackeray) जे आमदार आहेत. त्यांनाच नोटीसा पाठवल्या जात आहेत. भाजपच्या अनेक नेत्यांची नावं संग्रही आहेत. पण त्यांना कोणत्याही नोटीसा दिल्या जात नाहीत. तिकडे जाणारे वॉशिंगमशिनसारखं स्वच्छ होतात आणि आम्ही फक्त दोषी. याचा आम्ही निषेध करतोय," असेही ते म्हणाले आहेत..
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.