पुण्यात १९ वर्षीय आयुष कोमरकरची गोळ्या झाडून हत्या केल्याची घटना ताजी असताना आता सोलापुरातही गोळीबाराची घटना घडली आहे. सोलापुरातील टेंभुर्णी जवळच्या वेणेगावातील कला केंद्रासमोर गोळीबार झाला आहे. या गोळीबारात एकजण जखमी झाल्याची माहिती मिळत आहे. सोलापुरातील गोळीबाराने संपूर्ण राज्यात खळबळ उडाली आहे.

मिळालेल्या माहितीनुसार, सोलापुरातील टेंभुर्णीतील कला केंद्रात गाणी लावण्याच्या वादातून वाद झाला. या वादाचं रुपांतर कडाक्याच्या भांडणात झाले. या वादातून एकाने गोळीबार केला. कला केंद्रातील या गोळीबारात एक जण जखमी झाल्याची माहिती मिळत आहे.

जखमी झालेला व्यक्ती पंढपूरजवळील वाखरी गावचा रहिवाशी आहे. गोळीबाराची माहिती मिळताच टेंभुर्णी पोलिसांनी घटनास्थळी धाव घेतली. त्यानंतर टेंभुर्णी पोलिसांनी आरोपीकडील पिस्तुल ताब्यात घेतलं. या गोळीबार प्रकरणी पोलिसांनी तिघांवर गुन्हा नोंदवला आहे.

काय आहे प्रकरण?

कला केंद्रात एक बैठक लावण्यावरून वाद झाला. या बैठक लावण्यावरून प्रकरण थेट गोळीबारापर्यंत पोहोचलं. आरोपीने थेट पीडित व्यक्तीच्या डाव्या बाजूच्या मांडीवर गोळीबार केला. या गोळीबारात देवा नावाचा व्यक्ती जखमी झाला.

पोलिसांकडून आरोपीचं नाव उघडीकस आलेलं नाही. मात्र, पोलिसांनी आरोपीला ताब्यात घेऊन चौकशी सुरु केलीये. सोलापुरातील या गोळीबाराच्या घटनेने खळबळ उडाली आहे.