(तरबेज शेख, नाशिक)

Chhagan Bhujbal Residence Bhujbal Farm Bungalow:

नाशिकमधून एक धक्कादायक बातमी हाती आलीय. लोकसभेच्या रिंगणात उतरणारे मंत्री छगन भुजबळ यांच्या घराची कोणीतरी टेहळणी करत असल्याची बाब समोर आलीय. राष्ट्रवादीचे नेते छगन भुजबळ यांच्या भुजबळ फार्म या निवासस्थानाची ड्रोनद्वारे टेहळणी केली गेल्याची माहिती येथील सुरक्षा कर्मचाऱ्यांनी पोलिसांना दिलीय.(Latest News)

छगन भुजबळांच्या बंगल्यावर कोणीतरी नजर ठेवत असल्याचा आरोप तेथील कर्मचाऱ्यांनी केलाय. रात्रीच्यावेळी भुजबळ फार्मची ड्रोनद्वारे टेहळणी केल्याची तक्रार दिल्यानंतर पोलिसांनी भुजबळांच्या निवासस्थानाची पाहणी केलीय.  (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

भुजबळांच्या कार्यालयातील कर्मचाऱ्याने अंबड पोलिसांकडे तक्रार नोंदवत चौकशीची मागणी केलीय. नाशिकमधून महायुतीचे उमेदवार म्हणून भुजबळांच्या नावाची चर्चा सुरू आहे. त्यात हा प्रकार समोर आल्याने  खळबळ उडालीय. नाशिक पोलिसांकडून तातडीने चौकशी सुरू करण्यात आली असून भुजबळ यांच्या निवासस्थानाची पाहणी पोलिसांनी केलीय.