कोटींच्या कृषी साहित्य खरेदी घोटाळ्यात उच्च न्यायालयाने धनंजय मुंडेंना क्लीन चिट मिळाली... मात्र आता भाजप आमदार सुरेश धसांनी धनंजय मुंडेंविरोधात आरोपांचा फास आवळायला सुरुवात केलीय..तब्बल 78 बोगस कंपन्या स्थापन खतांच्या लिंकिंगचं पाप केल्याचा खळबळजनक आरोप सुरेश धसांनी मुंडेंवर केलाय.. तर धसांनी या प्रकरणाच्या एसआयटी चौकशीची मागणी केलीय...

खरंतर धनंजय मुंडे कृषीमंत्री असताना डीबीटी योजनेला फाटा देत 275 कोटींच्या कृषी साहित्याची खरेदी केल्याचा आरोप करण्यात आला होता.. मात्र याच प्रकरणात कोर्टाने क्लीन चिट दिली आणि धनंजय मुंडे मंत्रिमंडळात कमबॅक करण्याचे संकेत अजित पवारांनी दिले... त्यामुळे पुन्हा मुंडेंविरोधात धसांनी थेट कृषी खात्याच्या प्रधान सचिवांना पत्र लिहून आरोपांची राळ उडवून दिलीय.....

मुंडे व त्यांच्या कार्यालयातील अधिकाऱ्यांच्या संगनमताने 169 कोटींचा घोटाळा

घोटाळ्यासंदर्भात 54 पानी पत्र दिल्याचा दावा

प्रकरण उच्च न्यायालयात असल्याचा दाखला देत चौकशी समितीची घोषणा नाही

सरकारी वकिलांकडून उच्च न्यायालयात गैरव्यवहार झाला नसल्याचा युक्तीवाद

गैरव्यवहार झाला नसल्याचा युक्तीवाद कोणत्या अहवालाच्या आधारे केला, त्याची प्रत द्यावी

सरपंच संतोष देशमुख हत्या प्रकरणात वाल्मिक कराडमुळे मुंडेंची मंत्रिमंडळातून विकेट पडली.. मात्र आता मुंडेंना पुन्हा मंत्रिमंडळात घेण्याच्या हालचाली सुरु झाल्याने धसांनी मुंडेंवर नेम साधलाय.. त्यामुळे धनंजय मुंडेंवरील आरोपांची चौकशी करुन सत्य बाहेर येणार की आरोपांकडे दुर्लक्ष करुन अजित पवार मुंडेंना मंत्रिमंडळात संधी देणार? याचीच उत्सुकता लागलीय...