ज्येष्ठ नेते शरद पवार यांच्या कन्या खासदार सुप्रिया सुळे यांच्या गाडीचा अपघात झाला आहे. मुंबई-पुणे मार्गावर हा अपघात झाल्याची माहिती प्राप्त झाली आहे. गाडीमधील सर्वजण सुखरूप आहेत अशी माहिती सुप्रिया सुळे यांनी दिली आहे. यानंतर रस्त्यावर वाहन चालवतान काळजी घाय असे आवाहन त्यांनी सर्वांना केले आहे. मिळालेल्या माहितीनुसार मागून येणाऱ्या एका गाडीने सुळे यांच्या कारला धडक दिली. सुदैवाने गाडीतील सर्व प्रवासी सुखरूप आहेत.

या अपघातात माहिती देताना सुप्रिया सुळे यांनी म्हटले की, आज पुणे ते मुंबई प्रवास करताना महामार्गावर मला एक अत्यंत कटू अनुभव आला. वाहन क्रमांक GJ 13 CF 5257 ने माझ्या गाडीला बाजूने जोरदार धडक दिली. सुदैवाने सर्वजण सुखरूप आहेत.

अपघातानंतर इतर प्रवाशांना दिला महत्वाचा संदेश

सुप्रिया सुळे यांनी व्हाट्सअप स्टेटस आणि ट्विट करत म्हणाल्या की=, अशा प्रकारच्या घटना ही एक गंभीर आठवण करून देतात की, आपल्या रस्त्यांवर अतिवेगाने वाहन चालवणे आणि निष्काळजीपणा करणे यामुळे असंख्य लोकांचे जीव धोक्यात येऊ शकतात, मी सर्वांना आवाहन करते की कृपया सीट बेल्ट वापरा आणि सावध राहा आणि जबाबदारीने वाहन चालवा जेणेकरून आपले महामार्ग सर्वांसाठी अधिक सुरक्षित बनतील.