सांगली : महाराष्ट्र लोकसेवा आयोगाची MPSC फसवणूक केल्याच्या ठपका ठेवत सांगली जिल्हा पोलिस दलातील शिवानंद हनुमंत बोबडे या पोलिस कर्मचा-यास शासकीय सेवेतून बडतर्फ करण्यात आले आहे. सांगलीचे पोलिस अधीक्षक दिक्षीत गेडाम यांनी ही कारवाई केली आहे. (superintendent-of-police-dixit-gedam-sangli-suspended-shivanand-bobade-mpsc)

शिवानंद बोबडे हा सन 2008 कालावधीत पोलिस दलात भरती झाला होता. पोलिस उपनिरीक्षक पदाच्या परीक्षेसाठी एकाच्या नावाने पंधरा ईमेल आयडी तयार करून अर्ज भरून देण्यात आल्या प्रकरणी बोबडे याची खातेनिहाय चौकशी झाली आली होती.

या चाैकशीत ताे दाेषी ठरला. परिणामी महाराष्ट्र पोलिस कायदा कलम 1959 /25 मधील तरतुदीनुसार शिवानंद बोबडे यास शासकीय सेवेतून बडतर्फ करण्यात आले आहे. ही कारवाई पाेलिस अधीक्षक दिक्षीत गेडाम यांनी केली आहे.