पुणे : पुणे-पंढरपूर रस्त्यावर (Pune-Pandharpur Road) जेजुरीच्या छत्रपती शिवाजी महाराज चौकाजवळील उतारावर उसाने भरलेल्या ट्रक्टरची ट्रोली पलटी झाली. तर ट्रॅक्टर रस्त्याच्या बाजूला असणाऱ्या दोन दुकानामध्ये घुसला. रविवार मुळे रस्त्यावर मोठी वर्दळ होती. सुदैवाने कोणतीही जीवित हानी झाली नाही. मात्र दोन दुचाकी वाहनांचे नुकसान झाले.

जेजुरी-पंढरपूर रस्त्यावर (Jejuri-Pandharpur Road) रविवारी वाहनांची व भाविकांची मोठी गर्दी असते.आज साकुर्डे येथून उसाने भरलेल्या दोन ट्रोली घेवून ट्रॅक्टर पुणे पंढरपूर मार्गावरील जेजुरी एसटी बस स्थानकाच्या समोरील रस्त्याच्या उतरवून जात असताना ब्रेक न लागल्याने एक ट्रॉली पलटी झाली.तर ट्रॅक्टर रस्त्या जवळील हाराच्या दुकानात घुसला. यावेळी एका चायनीजच्या दुकानाचे हि नुकसान झाले. सुदैवाने कोणतीही जीवित हानी झाली नाही मात्र दुकानासमोर उभ्या असणाऱ्या दोन दुचाकी वाहनांचे मोठे नुकसान झाले आहे.

Edited By - Jagdish Patil