- संजय राठाेड

यवतमाळच्या ढाणकी येथे 17 नागरिकांना पिसाळलेल्या कुत्र्याने अचानक हल्ला करून चावा घेतला. यामुळे ढाणकीत कुत्र्यांची मोठी दहशत निर्माण झाल्याचे चित्र आहे. यामुळे नागरिकांत खळबळ उडाली आहे. दरम्यान नगरपंचायत प्रशासनाने मोकाट कुत्र्यांचा बंदोबस्त करण्याची मागणी नागरिकांकडून केली जात आहे.

यवतमाळच्या ढाणकी शहरात सध्या मोकाट कुत्र्यांचा संचार वाढला आहे. मॉर्निंग वॉकसाठी जाणाऱ्या नागरिकांना मोकाट कुत्र्यांचा त्रास नेहमीचाच झाला आहे. मुख्य बाजारपेठेतील मधील रस्ता तसेच बस स्टॉप वर दहा-बारा मोकाट कुत्र्यांचे टोळके नेहमीच बसत असल्याने ये - जा करणाऱ्या नागरिकांना मोठा त्रास सहन करावा लागतो.

या मोकाट कुत्र्यांचा बंदोबस्त करण्याची मागणी याआधी नागरिकांनी नगरपंचायतकडे केली होती. मात्र याकडे दुर्लक्ष केल्याने या घटना घडल्या कुत्र्याने हल्ला केलेल्या जखमी नागरिकांना प्राथमिक आरोग्य केंद्रात दाखल केले. दरम्यान रुग्णालयात अँटि लस उपलब्ध नसल्याचे सांगण्यात आले तसेच उमरखेड जाण्याचा त्यांना सल्ला देण्यात आला.

Edited By : Siddharth Latkar