- कैलास चाैधरी

उस्मानाबाद : शहरातील विजय चौक परिसरात दोन गटात झालेल्या दगडफेक व पोलिसांवरील हल्ल्या प्रकरणी १५० नागरिकांवर उस्मानाबाद शहर पोलिस ठाण्यात गुन्हा नोंद झाला आहे. या दगडफेकीत सहा पोलिस जखमी झाल्याची माहिती पाेलिस ठाण्यातून देण्यात आली. दरम्यान दंगा करणा-याविराेधात खूनाचा प्रयत्न करणे (कलम ३०७ सह) अन्य १० वेगवेगळ्या कलमाने गुन्हा नोंद करण्यात आला आहे.

पोलिसांनी दिलेल्या माहितीनुसार आक्षेपार्ह फेसबुक पोस्ट प्रकरणी उस्मानाबाद शहर पोलिस ठाण्यात तक्रार देण्यासाठी काही युवक आल्यानंतर या प्रकाचाची प्राथमिक चौकशी करण्यासाठी काही पाेलिस कर्मचारी गेल्यानंतर त्या घटनास्थळी त्यांच्यावर २५ ते ३० जणांच्या जमावाने विटा, दगड, फरशी फेकून हल्ला केला.

पोलिस कर्मचारी सायलू बिरमवार यांच्या फिर्यादीनूसार खूनाचा प्रयत्न करणेसह विविध कलमानुसार तसेच सार्वजनिक संपत्ती नुकसान प्रतिबंधक अधिनियम १९८४ चे कलम ३ नुसार गुन्हा नोंद करण्यात आला आहे अशी माहिती पाेलिस निरीक्षक सुरेश बुधवण यांनी दिली.

edited by : siddharth latkar