संभाजीनगरमध्ये मंत्री अतुल सावे यांच्या कारवर दगडफेक करण्यात आली आहे.
पुंडलिकनगर कार्यालयाबाहेर त्याच्या कारवर दगडफेक करण्यात आली.
दगडफेकीमध्ये कारचे मोठे नुकसान झाले.
आरोपी मनोरुग्ण असून त्याला पोलिसांनी ताब्यात घेतलं.
संभाजीनगरमध्ये मंत्री अतुल सावे यांच्या कारवर दगडफेक करण्यात आल्याची घटना समोर आली आहे. संभाजीनगरच्या पुंडलिक नगरातील ऑफिसबाहेर दगडफेक करण्यात आली. मंत्री अतुल सावे यांच्या ऑफिसबाहेर उभ्या असलेल्या कारवर एकाने दगड मारला. दगडफेकीमुळे अतुल सावे यांच्या वाहनाचे मोठे नुकसान झाले आहे. दगडफेक करणाऱ्या तरुणाला पोलिसांनी ताब्यात घेतलं आहे.
मिळालेल्या माहितीनुसार, मंत्री अतुल सावे यांच्या कारवर संभाजीनगरमध्ये दगडफेक करण्यात आली. अतुल सावे पुंडलिकनगर येथील कार्यालयात बसले होते. कार्यालयाबाहेर त्यांची कार उभी होती. या कारवर एकाने दगडफेक केली. दहडफेक करणारी व्यक्ती मनोरुग्ण असल्याची माहिती समोर आली आहे. या घटनेमुळे परिसरात खळबळ उडाली आहे. आरोपीला पुंडलिकनगर पोलिसांनी ताब्यात घेतलं आहे.
आरोपी मनोरुग्ण असून त्याच्यावर संभाजीनगरमधील एका ठिकाणी गेल्या काही दिवसांपासून उपचार सुरू आहेत. गणेश सखाराम शेजुळ असं आरोपी व्यक्तीचे नाव आहे. ही व्यक्ती मूळची जालना जिल्ह्यातील असून सध्या संभाजीनगरमधील हनुमाननगरमध्ये राहते. त्याने मंत्र्यांच्या कारच्या काचेवर मोठा दगड मारला. त्यामुळे गाडीची काच फुटली. या घटनेनंतर पुंडलिकनगर पोलिसांनी त्याला ताब्यात घेतलं. त्याच्याविरोधात गुन्हा दाखल करण्याची प्रक्रिया सुरू आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.