अहमदनगर - शेवगाव येथील परिवहन महामंडळाच्या चालकाने आगारात उभ्या असलेल्या एसटी बसला गळफास घेऊन आत्महत्या केल्याची धक्कादायक घटना आज सकाळच्या सुमारास उघडकीस आली आहे. या घटनेनंतर तालुक्यात मोठी खळबळ उडाली असून सर्वत्र हळहळ व्यक्त होत आहे.

हे देखील पहा -

दिलीप हरिभाऊ काकडे असे आत्महत्या केलेल्या एसटी कर्मचाऱ्याचे नाव असून ते चालक म्हणून येथील आगारात कार्यरत होते. दिलीप काकडे यांनी डेपोत उभ्या असलेल्या एसटीच्या मागील बाजूस गळफास घेऊन आत्महत्या केली आहे.

ही घटना आज सकाळच्या सुमारास उघडकीस आली. दरम्यान, या घटनेची माहिती मिळताच आगराच्या अन्य कर्मचाऱ्यांनी व अधिकाऱ्यांनी डेपोत धाव घेतली. दिलीप काकडे यांचे आत्महत्येचे कारण अद्याप स्पष्ट झालेले नाही. पोलीस घटनास्थळी पोहचले आहेत. या घटनेमुळे पुन्हा एकदा कर्मचाऱ्यांचे प्रश्न ऐरणीवर आले आहेत.

Edited By - Shivani Tichkule