Solapur News :

सोलापूर-धुळे राष्ट्रीय महामार्गावर एसटी बसला भीषण अपघात घडला आहे. धावत्या एसटी बसचं मागचं चाक निखळल्याने अपघात घडला आहे. सुदैवाने बसमधील सर्व प्रवासी सुखरुप आहेत. अपघातामध्ये सात ते आठ लोक जखमी झाले असून तीन लोक गंभीर जखमी आहेत.

अपघातग्रस्त झालेली बस सोलापूरहून नांदेडला जाण्यासाठी पहाटे निघाली होती. मात्र सोलापुरातील उळे कासेगाव या ठिकाणी एसटी बसचं मागील चाक अचाकन बसपासून वेगळं झालं. बस वेगात असल्याने चाक निखळल्यानंतर चालकाचं बसवरील नियंत्रण सुटलं आणि उलटी झाली. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

त्यानंतर बस महामार्गावर रस्त्याच्या कडेला जाऊन धडकली. बसमध्ये अनेक प्रवासी प्रवास करत असल्याने सर्वांनाच एक थरारक अनुभव आला. अपघातामध्ये सात ते आठ प्रवासी जखमी झाले असून तीन प्रवासी गंभीर जखमी असल्याची माहिती समोर आली आहे. (Latest Marathi News)

अपघातातील जखमींना उपचारासाठी सोलापूरच्या शासकीय रुग्णालयात दाखल करण्यात आले आहे. मात्र या अपघातानंतर एसटी बसेसच्या दुरावस्थेचा प्रश्न पुन्हा एकदा ऐरणीवर आला आहे.