सोलापूर : यंदा उन्हाची तीव्रता अधिक राहणार असल्याची शक्यता वर्तविण्यात आली आहे. याची दाहकता आतापासून जाणवू लागली असून (Solapur) सोलापूरमध्ये उन्हाची तीव्रता वाढली असून आज नोंदविण्यात आलेले (Temperature) तापमान हे चाळीस अंशाच्या जवळ पोहचले असून कडक उन्हाने सोलापूर तापल्याचे जाणवू लागले आहे. (Live Marathi News)

यंदा अपेक्षित पाऊस (Rain) झाला नसल्याने उन्हाची तीव्रता अधिक राहण्याची शक्यता वर्तविण्यात आली आहे. मार्च महिन्याच्या पहिल्या दिवसापासून सोलापुरातील उन्हाचा तडाखा सोलापूरकरांना जाणवत आहे. सोलापुरातील तापमान ४० अंशाच्या जवळ पोहोचला आहे. तो टप्पा पुढील आठवड्यात पार होण्याची शक्यता आहे. वाढत्या तापमानाचा (High Temperature) परिणाम शेतीचे कामे, दुपारी प्रवास करणे, ज्येष्ठ नागरिक, लहान मुलांचे आरोग्यावर झाल्याचे दिसून येत आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

यंदाचे उच्चांकी तापमान 
सोलापुरात यंदाच्या वर्षी उन्हाळ्यातील उच्चांकी ३९.८ अंश सेल्सियस तापमानाची नोंद  झाली आहे. सोलापूरकरांना उन्हाच्या झळा आज दिवसभर जाणवत आहेत. सोलापुरातील तापमान १२ मार्चला ३९.४ अंश सेल्सियस होते. त्यात आज ०.४ अंशाने वाढ झाल्याने कमाल तापमान ३९.८ अंशापर्यंत गेले आहे. यात आणखी वाढ होण्याची शक्यता निर्माण झाली आहे.