सोलापूर : सोलापूरमध्ये काँग्रेसला मोठा धक्का बसला आहे. सोलापूर काँग्रेसचे माजी खासदार धर्मान्ना सादुल यांनी काँग्रेसला सोडचिट्टी दिली आहे. धर्मान्ना सादुल लवकरच के. चंद्रशेखर राव यांच्या बीआरएस पार्टीत प्रवेश करणार आहेत.

धर्मान्ना सादुल उद्या काँग्रेस सदस्यत्वाचा राजीनामा देणार आहेत. धर्मान्ना सादुल हे 1990 ते 1995 मध्ये सोलापूरचे खासदार राहिले होते. धर्मान्ना सादुल यांचा सोलापूर शहरातील पूर्व भागातील तेलगु भाषिक समाजामध्ये मोठा प्रभाव आहे.

तेलगु भाषिक समाजाच्या लोकांनी उत्स्फूर्तपणे बीआरएसमध्ये प्रवेश करण्यासंदर्भात इच्छा व्यक्त केल्याने त्यांनी हा निर्णय घेतला आहे. केसीआर काँग्रेससोबत मैत्रीची भूमिका घ्यावीत यासाठीही प्रयत्न करणार असल्याचं त्यांनी म्हटलं. येत्या 15 दिवसात तेलंगनाचे मुख्यमंत्री के. चंद्रशेखर राव यांची सभा घेणार असल्याचंही सादूल यांनी जाहीर केलं.