नांदेड: जिल्हा परिषदेच्या दक्षिण बांधकाम विभागाचे कार्यकारी अभियंता ओमप्रकाश निला यांना एका कार्यकर्त्याने कार्यालयात डांबून ठेवल्याची घटना घडलीये. या प्रकरणात रात्री उशिरा कार्यकर्त्यांवर वजिराबाद पोलीस ठाण्यात गुन्हा दाखल करण्यात आला आहे (Social Worker locked executive engineer of Nanded zila parishad case filed).

जिल्हा परिषदेच्या (Zila Parishad) दक्षिण उपविभागात उप अभियंता असलेल्या शिवाजी वारकड यांना पदभार का देत नाहीत, म्हणून मुदखेड येथील सामाजिक कार्यकर्ता मारोती बिचेवार यांनी जिल्हा परिषदेच्या बांधकाम विभागात येऊन ओमप्रकाश निला यांच्याशी हुज्जत घातली. 'तुला नोकरी करायची असेल, तर 50 हजार रुपये द्या' अशी मागणी ही केली आणि कक्षा बाहेर येऊन कक्षाची कडी लावली.

कडी उघडण्यासाठी येत असलेल्या सेवकालाही धमकावण्यात आल्याचं कळतंय. या प्रकरणी कार्यकारी अभियंता ओमप्रकाश निला यांनी पोलिसांत धाव घेतली. त्यांनी दिलेल्या तक्रारीवरुन मारोती बिचेवार विरोधात वजिराबाद पोलीस ठाण्यात गुन्हा दाखल (FIR) करण्यात आला आहे.

Edited By - Nupur Uppal