नंदुरबार : नंदुरबार (Nandurbar) शहरातील रहिवासी सखाराम गोरख पाटील सेवानिवृत्त यांच्या बंद घरातून अज्ञात चोरट्यांनी 79.5 तोळे सोन्याच्या दागिन्यांसह इतर मुद्देमालासह एकूण 20 लाख 34 हजार रुपयांची धाडसी चोरी (Theft) केल्याची घटना घडली आहे.

हे देखील पहा :

सखाराम पाटील यांच्या घरात पुढील काही दिवसात लग्नकार्य असल्यामुळे खरेदीसाठी सुरत (Surat) येथे गेले असता भरदिवसा बंद घराचे कुलूप कडी तोडून चोरट्यांनी (Thieves) मोठा ऐवज लंपास केला आहे. याबाबत सखाराम पाटील यांच्या फिर्यादीवरून उपनगर पोलीस (Police) ठाण्यात अज्ञात व्यक्तींविरोधात गुन्हा दाखल करून पोलिसांनी तपास सुरू केला आहे.

तर दुसरीकडे शहादा (Shahada) शहरातून श्रीकृष्ण ज्वेलर्स सराफा दुकानाचे शटर तोडून चार किलो चांदीच्या भांड्यांची चोरी झाल्याची घटना घडली आहे. याबाबत शहादा पोलीस ठाण्यात दुकान मालकाच्या तक्रारीवरून गुन्हा दाखल करण्यात आला आहे. याबाबत शहादा पोलीस अधिक तपास करीत आहे.

Edited By : Krushnarav Sathe