भंडाऱ्यात नवजात बालिकेची तस्करी करणारे रॅकेट उघडकीस
गोंदिया येथील एका डॉक्टरचा थेट सहभाग असल्याचे स्पष्ट झाल
चाइल्ड हेल्पलाइनच्या माहितीनंतर पोलिसांनी कारवाई केली
पाच आरोपींवर गुन्हा दाखल करण्यात आला
भंडारा जिल्ह्यातील महिला व बाल विकास विभागाच्या सतर्कतेमुळे नवजात बालिकेची तस्करी करणाऱ्या एका टोळीचा पर्दाफाश करण्यात आला आहे. या प्रकरणी पोलिस स्टेशन वरठी पोलिसांनी पाच आरोपींविरुद्ध गुन्हा दाखल केला आहे. आरोपींमध्ये डॉ. नितेश वाजपेयी यांचा समावेश आहे. नितेश वाजपेयी यांचे रामनगर गोंदिया येथे बालाजी क्लिनिक आहे. डॉक्टराच्या मदतीने नवजात बालिकांच्या तस्करी होत असल्यामुळे भंडारा जिल्ह्यात खळबळ उडाली आहे.
२ फेब्रुवारी २०२६ रोजी महिला व बाल विकास विभागाच्या 'चाइल्ड हेल्पलाइन'वर माहिती मिळाली की, पांढराबोडी येथील मालती प्रकाश वाघमारे (वय ४४ वर्शे) या महिलेने १० दिवसांची नवजात बालिका बेकायदेशीररित्या घरी आणली आहे. या माहितीच्या आधारे चाइल्ड हेल्पलाइनच्या समुपदेशकांनी मालती वाघमारेच्या घरी जाऊन चौकशी केली. तिने ही बालिका गोंदियातून आणल्याचे सांगितले. बाल कल्याण समिती, भंडारा यांच्यासमोर हजर राहण्याचे आदेश दिल्यानंतरही मालती वाघमारे हजर झाली नाही. यानंतर वरठी पोलिसांत माहिती देण्यात आली.
पोलिसांनी तातडीने तपास करत कुशारी फाटा येथे नाकाबंदी करून एक वाहन अडवले. या वाहनात पोर्णिमा सतीश धुर्वे (रा. रामनगर, गोंदिया) या महिलेच्या ताब्यात ती नवजात बालिका सापडली. तपासादरम्यान असे समोर आले की, गोंदियातील एका डॉक्टरने पैशांच्या बदल्यात ती नवजात बालिका मालती वाघमारेला विकली होती. पोलिस तपासात या गुन्ह्याचा मुख्य सूत्रधार गोंदिया येथील एक डॉक्टर असल्याचे समोर आले. या डॉक्टरनेच ललेश्वरी नंदकिशोर सादेपाय (रा. रामनगर, गोंदिया) या महिलेच्या माध्यमातून ही बालिकेची विक्री केली.
पोलिस स्टेशन वरठी येथे याप्रकरणी डॉ. नितेश वाजपेयी (मुख्य सूत्रधार), मालती प्रकाश वाघमारे (वय ४४, रा. पांढराबोडी), ललेश्वरी नंदकिशोर सादेपाय (वय ३९, रा. रामनगर, गोंदिया), पोर्णिमा सतीश धुर्वे (वय ३०, रा. रामनगर, गोंदिया), उमेशसिंग रामचंद्रसिंग गहलौत (वय ४८, रा. गोंदिया) यांच्याविरोधात गुन्हा दाखल करण्यात आला. या प्रकरणी पोलिस स्टेशन वरठी येथे भा.न्या.सं. कलम १४२(४), १३७(२), १३७(५) आणि अल्पवयीन न्याय कायद्यांतर्गत गुन्हा नोंदवण्यात आला आहे. मुख्य आरोपी डॉक्टर आणि त्याचे इतर साथीदार फरार असून पोलिस त्यांचा शोध घेत आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.