बुलडाणा : बुलडाणा जिल्ह्यातील खामगावचे शिवसेना (ठाकरे गट) माजी शहर प्रमुख बेपत्ता झाल्याने खळबळ उडाली आहे. सुनील अग्रवाल असं शिवसेना नेत्याचं नाव आहे. सुनील अग्रवाल कुणालाही काहीही न सांगता घरातून निघाले होते. त्यानंतर ते घरी परतले नाहीत.

सुनील अग्रवाल काल घरातून बाहेर पडले होते. त्यानंतर ते घरी न परतल्याने घरच्यांनी चिंता वाढली आहे. काही तास वाट पाहिल्यानंतर सुनील अग्रवाल यांच्या मुलाने पोलिसात तक्रार दिली आहे. (Latest News Marathi)

सुनील अग्रवाल यांची शिवसेनेत खामगाव शहरात मजबूत पकड आहे. अग्रवाल यांच्या मुलाने दिलेल्या तक्रारीवरून पोलीस आता त्यांचा शोध घेत आहेत.