बीड : गेल्या अनेक वर्षांपासून बैलगाडी शर्यतीला राज्यात बंदी आहे. मात्र बीडमध्ये सरकारच्या बंदीला जुगारून, बीड तालुक्यातील इमामपूर गावात भव्यदिव्य बैलगाडी शर्यत घेण्यात आली आहे. या बैलगाडी शर्यतमध्ये 25 पेक्षा जास्त बैलगाड्यानी सहभाग घेतला होता.

या शर्यतमध्ये गाडी ओढणाऱ्या बैलाला काट्यांनी अमानुष मारहाण करीत गाड्या डांबरी रस्त्यावर पळविल्या. विशेष म्हणजे या बैलगाडी शर्यतीत सत्ताधारी शिवसेना तालुका प्रमुख गोरख सिंघन, किसान सेनेचे पदाधिकारी परमेश्वर सातपुते शिवसेना जिल्हाप्रमुखचे बंधू गणेश खांडे या सत्ताधारी मंडळींनी या बैलगाडी शर्यतीला हिरवा झेंडा दाखवत उदघाटन केले.

तर भाजप जिल्हाध्यक्ष यांनी या बैलगाडी शर्यतमध्ये जाऊन प्रोत्साहन म्हणून बक्षीस दिले. त्यामुळे राज्य सरकारचे कायदे आणि नियमावली फक्त सर्वसामान्य नागरिकांना लागू होते का ? असा प्रश्न उपस्थिती केला गेला आहे.

त्यामुळे मुख्यमंत्री उद्धव ठाकरे, या शिवसैनिकांना राज्य सरकारचे कायदे काय आहेत? हे कारवाई करून सांगतील का ? हा खरा प्रश्न आहे. दरम्यान या संदर्भात बीड ग्रामीण पोलीस ठाण्याचे पोलीस निरीक्षक, संतोष साबळे यांना विचारले असता, त्यांनी परवानगी घेतली नाही. त्यामुळे चौकशी सुरू आहे गुन्हे दाखल होतील.असे फोनवरून उत्तर दिले

Edited By - Amit Golwalkar