सिंधुदुर्ग : महाराष्ट्रात ज्याने बाळासाहेबांशी बेईमानी केली अशा व्यक्तीस शिवसैनिक साहेबांच्या स्मृतीस्थळास भेट देऊन देणार नाहीत असा इशारा खासदार विनायक राऊत vinayak raut यांनी भाजप नेते नारायण राणे narayan rane यांना दिला आहे. राणेंनी त्यांची जन आशिर्वाद यात्रा सुरु हाेण्यापुर्वी बाळासाहेब ठाकरे यांच्या स्मृतीस्थळास भेट देऊन अभिवादन करणार असल्याचे जाहीर केले आहे. नारायण राणेंच्या या कृतीस शिवसैनिकांचा विराेध असल्याचे खासदार राऊतांनी narayan rane vinayak raut येथे नमूद केले.

खासदार राऊत यांनी येथे माध्यमांशी संवाद साधला. त्यावेळी त्यांनी माध्यमांच्या विविध प्रश्नांना उत्तर दिले. एका प्रश्नावर ते म्हणाले नारायण राणे सारख्या विश्वास घातकी माणसाला बाळासाहेबांच्या स्मृती स्थळाला भेट देण्याचा नैतिक अधिकार नाही. नारायण राणे सारख्या बाडगा आणि बाळासाहेबांशी ज्याने बेईमानी केली असा दुसरा नेता महाराष्ट्रात नाही. त्यामुळे या घरफोड्याला बाळासाहेबांच्या स्मृती स्थळाला भेट द्यायला शिवसैनिकांचा विराेध असल्याचे खासदार राऊत यांनी नमूद केले.

दरम्यान ज्या ज्या ठिकाणी नारायण राणे शिवसेनेच्या विरोधात उभे राहतात त्या त्या ठिकाणी शिवसेनेचा विजय होतो. त्यावेळी शिवसैनिकांत नारायण राणेचे पानिपत करण्याची ताकद येते. राणेंचा चेहरा हा फक्त भाजपमधील काही लाेकांसाठी राहिला आहे.

त्यामुळे नारायण राणे यांना कोणतेही जबाबदारी द्या, शिवसेना आणि महाविकास आघाडीचा झेंडा फडकला शिवाय राहणार नाही असा विश्वास मुबंई महापालिकेच्या आगामी काळात हाेणा-या निवडणुकीच्या अनुषंगाने खासदार राऊत यांनी व्यक्त केला.

Edited By : Siddharth Latkar