सातारा (satara) : खासदार उदयनराजे भाेसले (udayanraje bhosale) यांनी सातारकरांना फसविणे बंद करावे. केवळ डायलाॅग बाजी करुन विकास हाेत नसताे. आता पुन्हा काही तरी नवीन डायलाॅग निघेल असे आमदार शिवेंद्रसिंहराजे भाेसले (shivendraraje bhosale) यांनी नमूद केले. शिवेंद्रसिंहराजेंनी सुरुची बंगला येथे आज पत्रकार परिषद घेतली. यावेळी त्यांनी उदयनराजेंवर सडकून टीका केली. ते म्हणाले मी लहान आहे त्यामुळे माझी बुद्धी लहान आहे असे मी म्हणेन परंतु तुमची माेठी आहे तर स्थायी समितीत ४०० विषय कसे घेतले गेली. ही बैठक किती वेळ चालली पाहिजे हाेती आणि किती वेळ चालली असा प्रश्न उदयनराजेंना केला.

शिवेंद्रसिंहराजे म्हणाले माझी वाढ झाली परंतु बुद्धी छाेटीच राहिली असे खासदार उदयनराजे यांनी म्हटलं ठीक आहे. तुमची बुद्धी अफाट आहे. त्यांच्या बुद्धीचे अविष्कार आणि पराक्रम पाहिलं तर लाेकांतून निवडून आल्यानंतर राजीनामा देत राज्यसभेत ते जाऊन बसलेत. आता ते मागच्या दाराने खासदार झालेत. हा त्यांच्या बुद्धीचा पराक्रम असल्याची टिप्पणी शिवेंद्रसिंहराजेंनी केली. तुमची बुद्धी एवढी माेठी आहे तर जिल्हा बॅंकेत निवडून येण्यासाठी कशासाठी जिल्ह्यातील नेत्यांचे उंबरे झिजवले.

नगरविकास आघाडी कायम पालिकेतील चुकीच्या गाेष्टींवर बाेलत आले आहे. पुन्हा सत्ता मिळविण्यासाठी त्यांचा उद्याेग सुरु आहे. डायलाॅग बाजी करायची आणि जनतेला भुलवायचे हे आता हाेणार नाही. आता सातारा विकास आघाडीला घरी बसवण्याची वेळ आली आहे हे त्यांनी समजून घ्यावे असे शिवेंद्रसिंहराजेंनी नमूद केले.

edited by : siddharth latkar