शिरूर (पुणे) : पुण्याच्या शिक्रापूरजवळ श्री वसंतराव डावखरे मेमोरियल स्कूलची बस चालकाचे बसवरील नियंत्रण सुटल्याने थेट झाडावर आदळल्याने भीषण (Accident) अपघात ‌झाला. या अपघातामध्ये स्कूल बसमधील महिला कर्मचारी जखमी झाली असुन सुदैवाने बसमध्ये विद्यार्थी नसल्याने मोठा (Shirur) अनर्थ टळला. घटनेची माहिती मिळतात स्थानिक ॲम्बुलन्स व पोलीस प्रशासन घटनास्थळी दाखल झाले. (Live Marathi News)

मागील आठ दिवसापूर्वी वाघोली येथील शाळेची बस झाडावर आदळून असाच भीषण अपघात झाला होता. यामध्ये काही विद्यार्थी जखमी झाले होते, आता पुन्हा शिक्रापूरजवळ स्कूल बस झाडावर आदळून स्कूल बसचा अपघात झाल्याने विद्यार्थांच्या सुरक्षिततेचा प्रश्न ऐरणीवर आला आहे. अपघात झाला त्यावेळी बसमध्ये केवळ एक महिला होती. चालकाचे नियंत्रण सुटल्याने बस झाडावर जाऊन आदळली. यात महिला जखमी झाली आहे.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

स्कुलबसवर आरटीओचे हवे नियंत्रण 

सततच्या स्कूल बसच्या वाढत्या अपघातामुळे विद्यार्थी वाहतुकीचा प्रश्न ऐरणीवर आला आहे. सुदैवाने या बसमध्ये विद्यार्थी नव्हते. अन्यथा मोठी दुर्घटना घडली असती, मात्र या स्कूल बसवर आरटीओ विभागाने नियंत्रण आणण्याची मागणी आता पालक वर्गाकडून जोर धरू लागली आहे.