शिरूर : रात्रीच्या सुमारास दरोडेखोरांनी घरात घुसून दरोडा टाकत भयानक कृत्य केले आहे. महिलेच्या अंगावरील दागिने काढून घेण्यासाठी मारहाण केली. इतकेच नाही तर थेट महिलेचा कान तोडल्याचा धक्कादायक प्रकार घडला आहे.

शिरूर तालुक्यातील गुणाट येथे रात्रीच्या सुमारास हा धक्कादायक प्रकार घडला आहे. या घटनेत सुमन करपे असं गंभीर जखमी झालेल्या महिलेचे नाव आहे. दरोडेखोरानी घरात प्रवेश करत दरोडा टाकला. यात महिलेला जबर मारहाण करून सोन्याचा ऐवज लुटण्यासाठी महिलेचा कान तोडल्याचा धक्कादायक प्रकार घडला आहे. या घटनेमुळे परिसरात खळबळ उडाली आहे. 

सदर घटनेत महिला गंभीर जखमी झाली असून महिलेवर रुग्णालयात उपचार सुरू आहेत. याप्रकरणी शिरूर पोलिसांनी ठाण्यात चार दरोडेखोरांविरोधात गुन्हा दाखल झाला आहे. या घटनेने परिसरात खळबळ उडाली असून पोलिसांकडून घटनेचा तपास सुरु आहे.