सचिन बनसोडे, साम टीव्ही, प्रतिनिधी
शिर्डीमधून काळीज पिळवटून टाकणारी घटना उघडकीस आली आहे. बस स्थानक परिसरात एका महिलेने लहान मुलाला हातगाडीला बांधून ठेवल्याची घटना समोर आली आहे. ही महिला त्या लहान मुलाला हातगाडीला तासंतास बांधून ठेवत असल्याची माहिती समोर आली आहे. या धक्कादायक घटनेमुळे शिर्डीत खळबळ उडाली आहे.
मिळालेल्या माहितीनुसार, शिर्डी बस स्थानक परिसरात भंगार गोळा करणारी एक महिला बऱ्याच दिवसांपासून फिरत होते. ही महिला तिच्यासोबत लहान मुलाला ठेवायची. लहान मुलं कुठे जाऊन नये म्हणून ती भंगार विकणारी महिला मुलाला साखळीने हातगाडीला बांधून ठेवायची. स्थानिक नागरिकांनी हा प्रकार उघडकीस आणला आहे.
भंगार विकणारी महिला तिच्यासोबतच्या मुलाच्या गळ्यात साखळीसह कुलुप लावायची. त्या काही वर्षांच्या मुलाला रस्त्यावर साखळीने बांधून ठेवायची. हा प्रकार स्थानिक नागरिकांनी पाहिला. त्यांनी यावरुन महिलेला जाब विचारला. तेव्हा महिलेने नागरिकांना विनयभंगाचा खोटा गुन्हा दाखल करण्याची धमकी दिली.
स्थानिकांनी या महिलेचा आणि त्या लहान मुलाचा व्हिडीओ काढण्याचा प्रयत्न केला. तेव्हा व्हिडीओ शूट करताच महिलेने मुलाला घेऊन पळ काढल्याची माहिती नागरिकांनी दिली आहे. त्यामुळे त्या महिलेवर कोणतीही कारवाई झाली नाही. नाशिक बस स्थानक परिसरात घडलेल्या घटनेमुळे नागरिकांनी संताप व्यक्त केला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.