सचिन बनसोडे 

शिर्डी (अहिल्यानगर) : साई भक्तांकडून साई चरणी मोठ्या प्रमाणात दान करत असतात. यातच कर्नाटक येथील एका महिला भाविकाने साई चरणी साडेपाच लाख रुपये किमतीचा सोन्याचा ब्रोच अर्पण केला आहे. साईबाबा संस्थानकडे हा ब्रोच सुपूर्द करण्यात आला असून संस्थांच्या वतीने भाविकाचा सत्कार करण्यात आला. 

श्री साईबाबांवर (Saibaba) देश विदेशातील लाखो भक्‍तांची श्रद्धा आहे. याच श्रद्धेपोटी भाविक साईबाबांच्या झोळीत भरभरून दान देत असतात. अशाच प्रकारे आज मंगळुर (कर्नाटक) येथील अकिला शेट्टी यांनी जवळपास ६८ ग्रॅम वजनाचा आकर्षक नक्षीकाम असलेला सोन्‍याचा ब्रोच श्री साईचरणी अर्पण केला. या ब्रोचची किंमत अंदाजे ५ लाख ५० हजार रुपये असून हा सुंदर नक्षिकाम केलेला ब्रोच साईबाबांच्या चरणी अर्पण केला.  

साडेपाच लाख रुपये किंमत असलेला सोन्याचा ब्रोच साई चरणी अर्पण केल्यानंतर (saibaba Sansthan) श्री साईबाबा संस्‍थानचे मुख्‍य कार्यकारी अधिकारी गोरक्ष गाडीलकर यांच्‍याकडे सुपुर्द केला. यानंतर श्री साईबाबा संस्‍थानच्‍या वतीने मुख्‍य कार्यकारी अधिकारी गोरक्ष गाडीलकर यांनी अकिला शेट्टी यांचा सत्‍कार केला.