Shirdi Sai Baba Saam tv
महाराष्ट्र

Shirdi Sai Baba : साईचरणी सोन्याचा मुलामा असलेली छत्री अर्पण; संस्थानला २३ लाखांचा धनादेशही सुपूर्द

Shirdi News : साईबाबांच्या चरणी १५ किलो वजनाची १८५ ग्रॅम शुद्ध सोन्याचा मुलामा दिलेली तांब्याची छत्री अर्पण केली आहे. ही छत्री साईबाबांच्या समाधी मंदिरातील मूर्तीवर प्रतिष्ठापित करण्यात आली

Rajesh Sonwane

सचिन बनसोडे 

शिर्डी (अहिल्यानगर) : शिर्डीच्या साईबाबांच्या भाविकांची संख्या मोठी असून भाविकांकडून साईचरणी मोठ्या प्रमाणात दान दिले जात आहे. अशाच प्रकारे चेन्नई येथील एका भाविकांना १८५ ग्रॅम शुद्ध सोन्याचा मुलामा दिलेला तांब्याची छत्री तसेच २३ लाख रुपयांचा धनादेश साईचरणी अर्पण केला आहे.

शिर्डीच्या साईबाबांच्या दर्शनासाठी देश विदेशातून भाविक मोठ्या संख्येने येत असतात. यामुळे साई दरबारी वर्षभर भाविकांची मोठी गर्दी पाहण्यास मिळत असते. तर आलेल्या भाविकांकडून रोख रक्कम तसेच सुवर्ण दान अर्पण करण्यात येत असते. यामुळे साई संस्थानकडे आलेली रक्कम तसेच सोने- चांदीचे अलंकार मोठ्या प्रमाणात येत असतात. त्यानुसार आज एका साईभक्ताने सोन्याचा मुलामा दिलेली छत्री व धनादेश सुपूर्द केला आहे. 

१५ किलो वजनाची छत्री 

चेन्नई येथील साईभक्त जितेंद्र उमेडी यांनी साईबाबांच्या चरणी १५ किलो वजनाची १८५ ग्रॅम शुद्ध सोन्याचा मुलामा दिलेली तांब्याची छत्री अर्पण केली आहे. ही छत्री साईबाबांच्या समाधी मंदिरातील मूर्तीवर प्रतिष्ठापित करण्यात आली. ही मनमोहक छत्री साई मंदिराच्या सौंदर्यात भर घालत आहे. यासह याच साईभक्ताने चेकद्वारे साईबाबा संस्थानला २३ लाख रुपयांची देणगी देखील दिली आहे. साईबाबा संस्थानच्या वतीने देणगीदार साईभक्त जितेंद्र उमेडी आणि कुटुंबीयांचा सत्कार करण्यात आला.

शिर्डीच्या श्री साईंच्या मूळ पादुकांचे वर्ध्यात आगमन
वर्धा येथे शिर्डीच्या श्री साईंच्या मूळ पादुकांचे आज आगमन झाले आहे. वंजारी चौकातून साई मंदिरापर्यंत पालखीतून भव्य मिरवणूक काढण्यात आली. साई भक्तांच्या जयघोषात साईंच्या मूळ पादुकांचे शोभायात्रेतून स्वागत करण्यात आले असून साईंच्या मूळ पादुका चौथ्यांदा वर्ध्यातील साई मंदिरात आल्या आहेत. या पादुकांचे सकाळी ११ ते रात्री १० वाजेपर्यंत दर्शन घेता येणार आहे. यामुळे दर्शनासाठी भक्तांची मोठी गर्दी झाली आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Election Commission: निवडणुका स्थगित करा; राज ठाकरे, उद्धव ठाकरेंसह विरोधकांची मागणी, काय आहे कारण?

NCP MLA Sunil Shelke: 'मी जादूटोणा करतो, EVM हॅक करतो', राष्ट्रवादीच्या आमदाराकडून ईव्हीएम वश

Election Commission of India: मतदार यादीत घोळ, आयोगाची वेबसाईट कोण हँडल करतंय? वडेट्टीवारांचा आरोप

Maharashtra Politics: शरद पवार यांना धक्का! पक्षफुटीनंतरही साथ न सोडणाऱ्या निष्ठावंत नेत्याचा तडकाफडकी राजीनामा

Fact Check: दिवाळीत अंबानींकडून 'फ्री गोल्ड'; सोन्याची चेन मोफत देण्याची घोषणा? व्हायरल व्हिडिओमागचं सत्य काय?

SCROLL FOR NEXT