Sharad Pawar News : राहुल गांधींनी बोगस मतदारांचे पुरावे दाखवून निवडणूक आयोगाची कोंडी केली असतानाच शरद पवारांनी नवा बॉम्ब फोडलाय.. विधानसभा निवडणुकीआधी दिल्लीत 2 लोकांनी भेट घेऊन 288 पैकी 160 जागा निवडून आणण्याची ऑफर दिल्याचा गौप्यस्फोट करत पवारांनीही निवडणूक आयोगावर दुसरा घाव घातलाय... या दोघांची राहुल गांधींसोबत भेट घालून दिल्यानंतर नेमकं काय घडलं? त्याचीही माहिती पवारांनी दिलीय...

राहुल गांधींसोबतच्या भेटीत काय घडलं?

• दोघांनी आपलं म्हणणं राहुल गांधींना सांगितलं

• राहुल गांधी आणि माझं मत यामध्ये पडू नये असं होतं

• हा आपला मार्ग नसल्याने लोकांमध्ये जाण्याचा निर्णय

• जो लोकांचा निर्णय असेल तो स्वीकारु, असं ठरवलं

या गौप्यस्फोटानंतर मुख्यमंत्री देवेंद्र फडणवीसांनी शरद पवारांच्या टायमिंगवरुन सवाल उपस्थित केलाय...

राहुल गांधींनी महाराष्ट्राच्या निवडणूकीत 1 कोटी बोगस मतदार आढळल्याचा गंभीर आरोप केलाय... तर संध्याकाळी 6 नंतर आश्चर्यकारकरित्या वाढलेल्या 76 लाख मतदानावर आक्षेप घेत प्रकाश आंबेडकरांनीही याचिका दाखल केलीय.. तर आता पवारांनीही ईव्हीएम सेटिंगबाबत गंभीर आरोप केलाय.. मात्र पवारांना ऑफर देणारे ते दोघे कोण? हा प्रश्न निर्माण झालाय.. त्यामुळे निवडणूक आयोग राहुल गांधींच्या आणि पवारांच्या आरोपानंतर तरी सत्य शोधण्यासाठी पावलं उचलणार का? आणि खरा डेटा जनतेसमोर मांडून दूध का दूध आणि पानी का पानी करणार का? यावर निवडणूक आयोगाची विश्वासार्हता ठरणार आहे...